2019 წელს რეაბილიტაცია ჩაუტარდა, ან აშენდა 400-მდე სოფლის ამბულატორია, - ამის შესახებ საქართველოს პრემიერ-მინისტრმა გიორგი გახარიამ პარლამენტში წლიური ანგარიშის წარდგენისას განაცხადა. მთავრობის მეთაურმა ხაზი გაუსვა, რომ სოფლის ამბულატორია პირველადი ჯანდაცვის უაღრესად მნიშვნელოვანი რგოლია.
„ეს არიან სოფლის ექიმები, რომლებთანაც ჩვენი მოქალაქე პირველად მიდის. ამ ამბულატორიების აღჭურვა, რომლებსაც რეაბილიტაცია ჩაუტარდა, მომავალ წელს მოხდება. აქ, რა თქმა უნდა, დიდწილად იქნება გამოყენებული ახალი ინოვაცია, როგორიც არის ტელემედიცინა, მაგრამ პირველად ჯანდაცვა არის უკიდურესად მნიშვნელოვანი კომპონენტი, რომელშიც იქნება მიმართული ჯანდაცვის სამინისტროს რეფორმების, შემდგომში ყურადღება. ასევე, არ შეიძლება არ აღვნიშნოთ, რომ აშენდა 41 ახალი სასწრაფო დახმარების ცენტრი“, - აღნიშნა პრემიერ-მინისტრმა.