ბაჩანა შენგელია - უპრეცედენტო კანონდარღვევა ჩაიდინა იუსტიციის სამინისტრომ, ყოველგვარი სამართლებრივი საფუძვლის გარეშე, სანოტარო საქმიანობა შემიზღუდა

ბაჩანა შენგელიას განცხადებით, 19 ივნისს ყოველგვარი სამართლებრივი საფუძვლის გარეშე სანოტარო საქმიანობა შეუზღუდეს. აღნიშნულთან დაკავშირებით შენგელია იუსტიციის სამინისტროს ადანაშაულებს და პროკურატურას მიმართავს ამ საქმეზე გამოძიება დაიწყონ. ის ასევე მიმართავს არასამთავრობო ორგანიაციებს და სახალხო დამცველს, შეისწავლონ აღნიშნული ფაქტი და მოახდინონ შესაბამისი რეაგირება.

„მინდა გაცნობოთ იმ უპრეცედენტო კანონდარღვევის თაობაზე, რომელიც ჩაიდინა იუსტიციის სამინისტრომ. ეს არის სისხლის სამართლის დანაშაული, რაც გამოიხატა ჩემთვის სანოტარო საქმიანობის, ყოველგვარი სამართლებრივი საფუძვლის გარეშე, შეზღუდვაში. კერძოდ, მათ 19 ივნისს, უბრალოდ აიღეს და ქსელიდან გამორთეს პროგრამა, რომლითაც მე ვახორციელებ საქმიანობას. ეს ყველაფერი წარმოადგენს იმ პოლიტიკური დევნის კამპანიის გაგრძელებას, რასაც ადგილი ჰქონდა ხელისუფლების მხრიდან ჯერ კიდევ საპრეზიდენტო არჩევნების მეორე ტურის წინ, დედაჩემის, ია კერზაიას მიმართ, რამაც გამოიწვია მისი გარდაცვალება. ამჯერად კი, უკვე თეა წულუკიანის სახით გადაწყვიტა ხელისუფლებამ პირადად ჩემზე განახორციელოს ანგარიშსწორება, რისთვისაც იუსტიციის სამინისტრომ გამოიყენა ძალადობრივი მეთოდი. აღნიშნულ დევნას მე ვუკავშირებ ჩემს აქტივობას ხელისუფლების მიერ ჩადენილ იმ დანაშაულის წინააღმდეგ, რაც ჩემი ოჯახის მიმართ განხორციელდა. ასევე, არ გამოვრიცხავ პირდაპირ კავშირს ჩემს მიერ სტრასბურგის სასამართლოში გაგზავნილ სარჩელთან ან/და მოახლოებულ საპარლამენტო არჩევნებთან. მივმართავ საქართველოს გენერალურ პროკურატურას, დაიწყოს გამოძიება სისხლის სამართლის კოდექსის 333-ე მუხლით, საქართველოს იუსტიციის სამინისტროს მოხელეების მიერ სამსახურეობრივი უფლებამოსილების გადამეტების ფაქტზე. ასევე, მივმართავ სახალხო დამცველს, საქართველოში მოქმედ უფლებადამცველ არასამთავრობო ორგანიზაციებს, შეისწავლონ აღნიშნული ფაქტი და მოახდინონ შესაბამისი რეაგირება“, - განაცხადა შენგელიამ.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
"პარვუს ჯგუფი" ოზურგეთის ინტერნეტიზაციის შესახებ მედიაში გავრცელებულ ცრუ ინფორმაციას ეხმაურება (R)
ბათუმში დიჯიტალ ტვ-ის ოფისი გაიხსნა