საქართველოს ბიზნეს ასოციაციის აღმასრულებელმა გუნდმა საერთაშორისო სავალუტო ფონდის მისიასთან დისტანციური შეხვედრა გამართა

საქართველოს ბიზნეს ასოციაციის აღმასრულებელმა გუნდმა საერთაშორისო სავალუტო ფონდის მისიასთან დისტანციური შეხვედრა გამართა. ამის შესახებ „ინტერპრესნიუსს“ ბიზნესასოციაციიდან აცნობეს.

მათი ინფორმაციით, შეხვედრაზე, რომელზეც საერთაშორისო სავალუტო ფონდს მისიის ხელმძღვანელი მერსედეს ვერა მარტინი წარმოადგენდა, მხარეებმა მიმდინარე ეკონომიკური მოვლენები და პანდემიის ზეგავლენა ბიზნეს ოპერატორებზე განიხილეს. ასოციაციის აღმასრულებელმა დირექტორმა ლევან ვეფხვაძემ მისიას ასოციაციის წევრი კომპანიების წინაშე არსებული გამოწვევები და ასოციაციის გუნდის ხედვა ბიზნესის სტიმულირებასთან დაკავშირებით გააცნო.

საუბარი შეეხო ეკონომიკური ზრდის მოსალოდნელ მაჩვენებლებს, საქართველოს მთავრობის მიერ წარმოდგენილ ანტიკრიზისულ გეგმას და მის ეკონომიკურ ნაწილს, კერძოდ, დაკორექტირებული სახელმწიფო ბიუჯეტით განსაზღვრული სექტორული მხარდაჭერის სქემებს: სესხების თანადაფინანსებასა და საკრედიტო საგარანტიო მექანიზმს. ასოციაციის მხრიდან ხაზი გაესვა იმ ვითარებას, რომ არსებული სქემები ხელმისაწვდომია მხოლოდ მცირე და საშუალო ბიზნესისთვის, შესაბამისად, აუცილებელია, საქართველოს მთავრობამ მსგავსი მექანიზმები იმ მსხვილ კომპანიებსაც შესთავაზოს, რომლებიც მნიშვნელოვნად დაზარალდნენ პანდემიით გამოწვეული ეკონომიკური რეცესიით.

„საქართველოს ბიზნეს ასოციაცია ყოველკვარტალურად მასპინძლობს საერთაშორისო სავალუტო ფონდის მისიას და მას კერძო სექტორის თვალსაზრისს აცნობს ქვეყანაში მიმდინარე ეკონომიკურ პროცესებთან დაკავშირებით. ასოციაცია მიესალმება ფონდის დაინტერესებას და სურვილს სხვა დაინტერესებულ მხარესთან ერთად, მოისმინოს ბიზნესის აზრი და შეფასება ქვეყანაში არსებული ბიზნესგარემოს შესახებ“, - განაცხადა ასოციაციის აღმასრულებელმა დირექტორმა ლევან ვეფხვაძემ.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო