გია ვოლსკი ჟურნალისტს - რა აგეწვათ ამისთანა, რა გაგიჟდით?

რა აგეწვათ ამისთანა, რა გაგიჟდით? ტყუილი თქვით, დააბრალეთ ადამიანს და პასუხს გაძლევთ. ეს „ფეიკ ნიუსების“ საამქრო რომ გაქვთ, ცეხი გახსნილი, რა გეწყინათ ამისთანა? პასუხი გაგცეს,- ასე უპასუხა პარლამენტის პირველმა ვიცე-სპიკერმა გია ვოლსკიმ ჟურნალისტების შეკითხვას, რომელიც დედაქალაქის მერის, კახა კალაძის, მიერ რამდენიმე მედიასაშუალების დეზინფორმაციის გავრცელებაში დადანაშაულებას ეხებოდა.

ვოლსკის თქმით, კახა კალაძემ „ფეიკ ნიუსის“ გავრცელებას პასუხი გასცა.

„იმის ნაცვლად, რომ ბავშვების პორნოგრაფიის გავრცელებასთან დაკავშირებით ბოდიშის მოხდის შემდეგ, ცოტა ხანი მაინც გაჩუმდეთ, კიდევ აგრძელებთ „ფეიკ ნიუსების“ გავრცელებას. თქვენ გინდათ ყველას ტალახი მიასხათ და ამაზე პასუხი მედიაზე ზეწოლად ჩათვალოთ. იქიდან იყო პასუხი - „ფეიკ ნიუსის“ გამოაშკარავება და თქვენც კარგად იცით, რომ ტყუილების გავრცელებაზე მიიღებთ პასუხს. რა აგეწვათ ამისთანა, რა გაგიჟდით? ტყუილი თქვით, დააბრალეთ ადამიანს და პასუხს გაძლევთ. ეს „ფეიკ ნიუსების“ საამქრო რომ გაქვთ, ცეხი გახსნილი, რა გეწყინათ ამისთანა, პასუხი გაგცეს,"- მიმართა ვოლსკიმ ჟურნალისტს.

ცნობისთვის, კალაძემ განაცხადა, რომ თბილისის მერია დეზინფორმაციის გავრცელების და „ფეიკ ნიუსების“ წინააღმდეგ ახალ პროექტს იწყებს. მისი თქმით, „სიმართლის მუშტი მოხვდება ყველას ცხვირ-პირში, ვინც არასწორად იმოქმედებს” და საზოგადოების შეცდომაში შეყვანის მცდელობა ექნება.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან