პრემიერი - გავრილოვი პარლამენტის შენობაში, სავარძელში, იყო უდიდესი პოლიტიკური შეცდომა, შეიძლება დანაშაულიც, მაგრამ ეს იყო პოლიტიკური განზომილება, რაზეც პოლიტიკურმა ძალამ პასუხი აგო

გავრილოვი ამ შენობაში, სადღაც აქ, სავარძელში, იყო აბსოლუტურად მიუღებელი და უდიდესი პოლიტიკური შეცდომა, შეიძლება დანაშაულიც, მაგრამ ეს იყო პოლიტიკური განზომილება, რაზეც პოლიტიკურმა ძალამ პასუხი აგო, პოლიტიკური ფასი გადაიხადა,- ამის შესახებ საქართველოს პრემიერ-მინისტრმა გიორგი გახარიამ პარლამენტში განაცხადა, სადაც დეპუტატების კითხვებს პასუხობს.

პრემიერის თქმით, 20 ივნისის მოვლენებს ქართველი საზოგადოება შეაფასებს როგორც სამართალდამცველების მიერ პარლამენტზე შტურმის აღკვეთას. გახარიას ამ გამოსვლას სხდომათა დარბაზში მყოფი ოპოზიციის წარმომადგენლების მხრიდან ხმაური მოჰყვა.

„რაც არ უნდა შეფასებები არსებობდეს, სუბიექტური, ობიექტური, მიკერძოებული თუ ა.შ. 20 ივნისის საბოლოო შეფასება იქნება ჩვენი მოქალაქეების, რომლებიც მერწმუნეთ ამ ყველაფერს საბოლოო ჯამში შეაფასებენ, როგორც სამართალდამცველების მიერ პარლამენტზე შტურმის აღკვეთად. ამას შეიძლება სჭირდება რაღაც დრო, მაგრამ ეს შეფასება დღესაც ასეა, უბრალოდ, თქვენ არ ნებდებით, წარმოდგენები გაქვთ თქვენი, მაგრამ საბოლოოდ ასე იქნება.რა თქმა უნდა, გავრილოვი ამ შენობაში, სადღაც აქ, სავარძელში, იყო აბსოლუტურად მიუღებელი და უდიდესი პოლიტიკური შეცდომა, შეიძლება დანაშაულიც, მაგრამ ეს იყო პოლიტიკური განზომილება, რაზეც პოლიტიკურმა ძალამ პასუხი აგო, პოლიტიკური ფასი გადაიხადა და თუ კიდევ რაიმე დარჩა გადასახდელი, აგერ, არჩევნები იქნება და ჩვენი მოქალაქეები მოსთხოვს პასუხს. მაგრამ, როდესაც პოლიტიკოსები, რომლებიც ბევრი აქ სხედხართ, თუ ორგანიზებას არ უწევდნენ, გვერდით იდგნენ და უყურებდნენ, ჩვენს მოქალაქეებს ამ პროტესტის დროს, რომელიც მშვიდობიანი იყო და შემდეგ გახდა ძალადობრივი, ბატონი ბოკერია, მახსოვს კარგად მისი სახე, რატიანი, ისინი არ მიუთითებდნენ, რომ ეს არის დანაშაული. პოლიციელებზე თავდასხმა და პარლამენტში შეჭრა, ეს არის სისხლის სამართლის დანაშაული, ამიტომ ამას შესაბამისი ფასი ექნება. ეს იქნება შემთხვევა, როდესაც ქართველმა პოლიციამ პარლამენტში შტურმით შესვლა არ დაუშვა და ეს იყო მისი მოვალეობა, პირდაპირი ფუნქცია“,- განაცხადა გახარიამ.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა