თეა წულუკიანი ბაჩანა შენგელიას სამსახურიდან გათავისუფლებაზე - ნუ აპოლიტიზირებთ ამ თემას, ძალიან გთხოვთ და ნუ მაფიქრებინებთ, რომ ეს ადამიანი მთლად პოლიტიკურად ნეიტრალური არ არის და თქვენი აქტივისტია

არ მგონია, რომ ეს ფორმატი იმისთვის არის, თქვენ განგახილინოთ იუსტიციის სამინისტროს რომელიმე საკადრო გადაწყვეტილება, - ასე უპასუხა იუსტიციის მინისტრმა, თეა წულუკიანმა ოპოზიციის შეკითხვას ბაჩანა შენგელიას სამსახურიდან გათავისუფლების თაობაზე.

ოპოზიციონერმა დეპუტატმა, თინა ბოკუჩავამ კითხვა გიორგი გახარიას მისამართით გააჟღერა, თუმცა გახარიამ კითხვაზე პასუხი წულუკიანს თხოვა.

როგორც მინისტრმა განმარტა, კანონში წერია, რომ ნოტარიუსი უნდა იყოს ნეიტრალური ფიგურა და როცა ის წესს არღვევს, უფლებამოსილების განხორციელების უფლება დროებით ეზღუდება.

“არსებობს საქართველოს კანონი ნოტარიადის შესახებ, სადაც წერია, რომ ნოტარიუსები ახორციელებენ სახელმწიფოებრივ უფლებამოსილებებს, არა რაიმე უფლებამოსილებას, არამედ სახელმწიფოებრივ უფლებამოსილებას, ეს არის კანონის ჩანაწერი. სახელმწიფოებრივი უფლებამოსილებების განხორციელებისას, იქვე წერია კანონმდებლობაში, აკრძალულია რაიმე ტიპის ნოტარიუსის ჩარევა პოლიტიკურ საქმიანობაში, ამიტომ დაანებოთ იქნებ ნოტარიუსებს თავი, მათ შორის ამ ადამიანს. კოვიდისა და პანდემიის პირობებში მოქმედებს ყველა ნოტარიუსისადმი დროებითი წესები და ნებისმიერი ნოტარიუსი, იქნება ეს თუ ის, თუ ინსპექტირებისას აღმოჩნდა, რომ დაარღვია წესი, შეუჩერდება დროებით ბიუროს საქმიანობის უფლება. ნუ აპოლიტიზირებთ ამ თემას, ძალიან გთხოვთ და ნუ მაფიქრებინებთ, საზოგადოებას ნუ აფიქრებინებთ, რომ ეს ადამიანი მთლად პოლიტიკურად ნეიტრალური არ არის და თქვენი აქტივისტია. არ მგონია, რომ ეს ფორმატი იმისთვის არის, თქვენ განგახილინოთ იუსტიციის სამინისტროს რომელიმე საკადრო გადაწყვეტილება ან რაიმე სახდელის დაკისრება ვინმეზე. პიროვნულად, როცა ჩემი უფლებამოსილების ფარგლებში თქვენ წინაშე წარვდგები, მერე ნებისმიერი კონრეტული ქეისი უფრო მწვავე ტონში ან მშვიდ ტონში შეგვიძლია განვიხილოთ”, - განაცხადა წულუკიანმა პარლამენტში, სადაც პრემიერ-მინისტრს უსმენენ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო