ბატონო რომან, ყველასთან მივალთ, სულ ყველას დავეხმარებით, - ასე უპასუხა პრემიერ-მინისტრმა გიორგი გახარიამ ფრაქცია „ნაციონალური მოძრაობის“ თავმჯდომარეს, რომან გოცირიძეს პარლამენტში, სადაც გიორგი გახარიამ წლიური ანგარიში წარადგინა.
„ბატონმა რომანმა ტყუილების კორიანტელი დაატრიალა, 400 ათასი ადამიანი მოატყუეთო. ბატონო რომან, ყველასთან მივალთ, სულ ყველას დავეხმარებით. თვეების მიხედვით, ივლისშიც, აგვისტოშიც, სექტემბერშიც და ოქტომბერშიც. ოქტომბერში და სექტემბერში რომ მივალთ, იმ რჩევებს გამოვიყენებთ, რომლებიც თქვენ მომეცით. ამას გაგახსენებთ კიდეც,“-განაცხადა გახარიამ.
რომან გოცირიძის თქმით, მთავრობამ „ფეიკ დაპირებებისა და ტყუილი ბიუჯეტის“ წყალობით სულ მცირე 300 მილიონი ლარი დაზოგა. მისივე თქმით, მთავრობამ 400 ათასი ადამიანი დატოვეთ დახმარების გარეშე.