ინსტინქტებით მართული ხდებით და ამ ინსტინქტებს ისტერიკამდე მიყავხართ და გაუფრთხილდით თავს ცოტა, კაცო, - ასე მიმართა სიტყვით გამოსვლის დასასრულს პრემიერ-მინისტრმა, გიორგი გახარიამ საპარლამენტო ოპოზიციას. პრემიერმა ოპოზიციას “ვარჯიშისკენ” მოუწოდა.
“პრობლემა რა არის, იცით? კითხვის ნორმალურად დასმა უნდა ისწავლოთ და ცოტა ემოციები უნდა მოთოკოთ. პრობლემა არ არის, აგერ ვარ, გეუბნებით. ხალხი კინაღამ შარვლებიდან ამოხტა, ნერვიულობდნენ. ყველაზე დიდი პრობლემა ისაა, რომ ჩვენი ოპოზიცია ინსტინქტებით მართული ხდებით და ამ ინსტინქტებს ისტერიკამდე მიყავხართ და გაუფრთხილდით თავს ცოტა, კაცო. ვზრუნავ მე თქვენზე, მართლა გეუბნებით. ეფექტური ოპოზიცია და ოპონირება ჩვენ ძალიან გვჭირდება, მაგრამ ისტერიკა - არა. გვჭირდება ნორმალური, არაინსტინქტებით, ობიექტურად და გონივრულად მართული, ასე კი არა ყვირილით - „მატყუარა“. თქვენ გგონიათ მაგით შეურაცხყოფას მომაყენებთ? ივარჯიშეთ, ივარჯიშეთ”, - მიმართა პრემიერმა ოპოზიციას.