მამუკა მდინარაძე - ვხედავთ მხოლოდ მოლოდინებს, რომ დააზიანებენ ერთ-ერთ ყველაზე რეიტინგულ ლიდერს, რაც არ გამოსდით, ეშლებათ ნერვები, სამწუხაროა, მაგრამ ოპოზიცია ძალიან დასუსტდა

საქართველოში ოპოზიცია ძალიან დასუსტდა , - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებთან განაცხადა.

მისი თქმით, დღევანდელ სესიაზე იმედი ჰქონდა, რომ ეკონომიკურ თემებზე საგნობრივი დისკუსია იქნებოდა, თუმცა, ოპოზიციის მხრიდან მხოლოდ სპეკულაცია დაინახა.

"ძველ, დაზეპირებულ მესიჯებს იმეორებდნენ, საქართველოში ოპოზიცია სამწუხაროდ, ძალიან დასუსტდა. ეს კარგი არ არის ზოგადად, რადგან ძლიერი ოპოზიცია აძლიერებს ხელისუფლებასაც, მით უმეტეს, თუ მას შესწევს ძალა, რომ კონკრეტულ საგნობრივ თემებზე ილაპარაკოს, მაგრამ ჩვენ ამას ვერ ვხედავთ. ვხედავთ მხოლოდ სპეკულაციებს, მოლოდინებს, რომ დააზიანებენ ერთ-ერთ ყველაზე უფრო რეიტინგულ ლიდერს, რაც არ გამოსდით. შემდეგ კიდევ უფრო ეშლებათ ნერვები და ხდებიან დესტრუქციულები. ეს იყო მთელი დღის ანატომია, სამწუხაროა, მაგრამ საქართველოში ოპოზიცია ძალიან დასუსტდა", - განაცხადა მდინარაძემ.

შეგახსენებთ, დღეს პარლამენტში პრემიერ-მინისტრის ანგარიში მოისმინეს.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა