აშშ-ის პრეზიდენტმა, დონალდ ტრამპმა, ხელი მოაწერა ბრძანებას ძეგლების, მონუმენტებისა და მემორიალებისა დაცვის შესახებ, რომელიც მათ წინააღმდეგ განხორციელებული „უკანონო ქმედებების“ შემთხვევაში ხანგრძლივი ვადით პატიმრობას ითვალისწინებს.

„პრივილეგია მქონდა, ხელი მომეწერა სერიოზული განკარგულებისთვის ამერიკული მონუმენტების, მემორიალებისა და ძეგლების დაცვის შესახებ. ხანგრძლივი პატიმრობა ჩვენი დიდებული ქვეყნის წინააღმდეგ უკანონო ქმედებების განმხორციელებლებს! „- წერს დონალდ ტრამპი სოციალურ ქსელ „ტვიტერში“.

შეგახსენებთ, რამდენიმე დღის წინ დონალდ ტრამპი აშშ-ის ყოფილი პრეზიდენტის, ენდრიუ ჯექსონის, თეთრ სახლთან მდებარე ძეგლის ჩამოგდების მცდელობას გამოეხმაურა. მან ფაქტი „ვანდალიზმად“ შეაფასა. „ფრთხილად იყავით! ძეგლთა დაცვის კანონი 10-წლიან პატიმრობას ითვალისწინებს“, – განაცხადა დონალდ ტრამპმა.