ინდოეთში, ბოლო 24 საათში, კორონავირუსის 17 000-ზე მეტი შემთხვევა გამოვლინდა და დაინფიცირებულთა საერთო რაოდენობამ 500 000-ს გადააჭარბა, - შესაბამის მონაცემებს „როიტერსი“ ქვეყნის ჯანდაცვის სამინისტროზე დაყრდნობით ავრცელებს.

რაც შეეხება ფატალურ შემთხვევებს, ეპიდემიის გავრცელებიდან დღემდე ქვეყანაში 15 000-ზე მეტი ადამიანია დაღუპული.

„როიტერსის“ ინფორმაციით, ქვეყანაში საავადმყოფოები გადატვირთულია, რის გამოც ზოგიერთ ქალაქში, მათ შორის ნიუ-დელიში, დროებითი საავადმყოფოებისა და საკარანტინო შენობების მშენებლობა მიმდინარეობს.

ცნობისათვის, კოვიდინფიცირებულთა რაოდენობით ინდოეთი მე-4 ადგილზე დგას მსოფლიოში აშშ-ის, ბრაზილიისა და რუსეთის შემდეგ.