შაქარაშვილის საქმეზე დაკავებული ერთ-ერთი არასრულწლოვნის ადვოკატი - გავეცანით დადგენილებას ბრალდების შესახებ - დადგენილებას და ბრალდებას არ ვეთანხმებით

ფეხბურთელ გიორგი შაქარაშვილის გარდაცვალების საქმეზე დაკავებულ ერთ-ერთ არასრულწლოვანს ბრალი ოფიციალურად წაუყენეს.

როგორც თბილისის პოლიციის სამმართველოდან გამოსვლის შემდეგ მისმა ადვოკატმა, გიორგი გელხაურმა განაცხადა, მათ საქმის მასალები არ გადასცეს, რის გამოც, არ იცის, თუ რა მტკიცებულებები აქვთ მისი დაცვის ქვეშ მყოფის წინააღმდეგ.

„გავეცანით დადგენილებას ბრალდების შესახებ, იგივე არის კვალიფიკაცია და მუხლები, რომელიც დაკავებისას იყო გამოყენებული. ამ დადგენილებას და ბრალდებას არ ვეთანხმებით.

სამწუხაროდ, მტკიცებულებები არ გადმოგვეცა, დაუყოვნებლივ უნდა მოხდეს მტკიცებულებების გადმოცემა, რომელიც ბრალდების მხარეს გააჩნია.

საქმის მასალები არათუ სრულად, საერთოდ არ გადმოგვცემია. მხოლოდ და მხოლოდ, დადგენილება გვაქვს ბრალდების შესახებ. არ ვიცით მტკიცებულებები, რომლითაც დასტურდება, თუ რას ედავებიან ჩემი დაცვის ქვეშ მყოფს და რა მტკიცებულებებით არის გაჯერებული ბრალდება", - აცხადებს გელხაური.

ცნობისთვის, დაკავებულ არასრულწლოვანს ბრალი საქართველოს სსკ-ის 225-ე, 143-ე მუხლებით წარუდგინეს, რაც გულისხმობს ძალადობის ორგანიზებას, მასში მონაწილეობას, რასაც თან ახლდა რბევა, იარაღის გამოყენება, სახელმწიფო წარმომადგენლისადმი წინააღმდეგობის გაწევა, ასევე ედავებიან თავისუფლების უკანონო აღკვეთას.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ