ვიცით, რომ "ქართულ ოცნებას" და დამოუკიდებელ დეპუტატებს აქვთ საკმარისი ხმები იმისათვის, რომ კანონპროექტი იყოს მიღებული , - ამის შესახებ „ლელო საქართველოსთვის“ ლიდერმა მამუკა ხაზარაძემ საკონსტიტუციო ცვლილებების მესამე მოსმენით განხილვაზე საუბრისას განაცხადა.
მისივე თქმით, ეს ეტაპი ჩვენი ქვეყნისთვის ძალიან მნიშვნელოვანია და შემდგომი ნაბიჯი არჩევნების თანასწორუფლებიანად და გამჭვირვალედ ჩატარება იქნება.
„ბოლო ეტაპია უკვე, ძალიან მნიშვნელოვანი ჩვენი ქვეყნისთვის. იმედია, რომ პარლამენტი მიიღებს ასეთ მნიშვნელოვან დოკუმენტს და ერთხელ და სამუდამოდ ქვეყანა დაადგება უფრო მეტი დემოკრატიის გზას. შემდგომი ნაბიჯი გვექნება ყველას ერთად გადასადგმელი, რომ არჩევნები თანასწორუფლებიან სიტუაციაში და გამჭვირვალედ უნდა იყოს ჩატარებული. საპარლამენტო ოპოზიცია დაესწრება თუ არა ეს თავად უნდა გადაწყვიტონ, "ქართულ ოცნებას" და დამოუკიდებელ დეპუტატებს აქვთ საკმარისი ხმები იმისათვის, რომ ეს კანონპროექტი იყოს მიღებული“, - განაცხადა მამუკა ხაზარაძემ.
ცნობისთვის, ხვალ საქართველოს პარლამენტი საკონსტიტუციო ცვლილებებს მესამე მოსმენით განიხილავს და კენჭს უყრის.