ინდოეთში ბოლო დღე-ღამის განმავლობაში კორონავირუსის 19 459 ახალი შემთხვევა დადასტურდა, - შესაბამის მონაცემებს ინდოეთის ჯანდაცვის სამინისტრო ავრცელებს.

მათივე ინფორმაციით, ქვეყანაში დაინფიცირებულთა საერთო რაოდენობამ 549 197-ს მიაღწია, აქედან გამოჯანმრთელებულია 321 774 და დაღუპულია 16 487 ადამიანი.

აღსანიშნავია, რომ 100 000-ზე მეტი შემთხვევა ინდოეთში ბოლო 6 დღის განმავლობაში გამოვლინდა.

ცნობისათვის, კოვიდინფიცირებულთა რაოდენობით ქვეყანა მე-4 ადგილზეა მსოფლიოში აშშ-ის, ბრაზილიისა და რუსეთის შემდეგ.