ლევან ხაბეიშვილი ვანო მერაბიშვილზე - ამ ადამიანს ლეგიტიმური უფლება აქვს არჩევნებში მონაწილეობა მიიღოს, სადაც ხალხმა უნდა გადაწყვიტოს მისცემს თუ არა ხმას

ამ ადამიანს აქვს ლეგიტიმური უფლება მათ შორის არჩევნებში მონაწილეობა მიიღოს და მითუმეტეს, ისეთ არჩევნებში,სადაც ლეგიტიმურად ხალხმა უნდა გადაწყვიტოს მისცემს თუ არა ხმას,- ამის შესახებ „ნაციონალური მოძრაობის“ წევრმა ლევან ხაბეიშვილმა „პალიტრანიუსის“ გადაცემა „ნიუსრუმში“ განაცხადა, სადაც ვანო მერაბიშვილის ახალციხეში მაჟორიტარობის კანდიდატად დასახელებასთან დაკავშირებით გავრცელებულ ინფორმაციას გამოეხმაურა. ლევან ხაბეიშვილის განმარტებით, კონსულტაციები ყველა მიმართულებით მიმდინარეობს.

„რა თქმა უნდა, კონსულტაციები ყველა მიმართულებით მიმდინარეობს და მათ შორის, რომ ეს ადამიანი 7 წლის განმავლობაში ციხეში იყო გამოკეტილი და მისი გაყვანის ეპიზოდთან დაკავშირებით სტრასბურგმა რა დასკვნა დადო და როგორ იყო ეს, საზოგადოებისთვის ცნობილია, ამიტომ, ის რომ ამ ადამიანს აქვს ლეგიტიმური უფლება, მათ შორის, არჩევნებში მონაწილეობა მიიღოს და მითუმეტეს, ისეთ არჩევნებში, სადაც ლეგიტიმურად ხალხმა უნდა გადაწყვიტოს მისცემენ თუ არა ხმას, მე მგონი, რომ აბსოლუტურად ნორმალურია. თუმცა, რა თქმა უნდა, იქნება კონსულტაციები. ძალიან მალე იქნება გადაწყვეტილება, ეს რომ შორს ვეღარ იქნება ფაქტია, რადგან არჩევნები კარზეა მომდგარი, ამიტომ ძალიან მალე, მათ შორის, ოპოზიციური ერთიანი კანდიდატები იქნებიან სადმე სხვაგან თუ „ნაციონალური მოძრაობა“, პირობითად, კონკრეტულად დააყენებს სხვადასხვა ოლქში, ამაზე გადაწყვეტილებას გაახმოვანებს,“- განაცხადა ლევან ხაბეიშვილმა.

იხილეთ ვიდეო

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 28.01.2021
ბაიდენის პრეზიდენტობის პერიოდის საგარეო პოლიტიკა: ალბათობები და ჩვენი რეალისტური მოლოდინები
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა