მარიამ ჯაშის შეფასებით, საკონსტიტუციო ცვლილებების მესამე მოსმენით მიღება საერთო გამარჯვებაა

ფრაქცია "დამოუკიდებელი დეპუტატების" თავმჯდომარის მარიამ ჯაშის შეფასებით, საკონსტიტუციო ცვლილებების მესამე მოსმენით მიღება საერთო გამარჯვებაა. როგორც მან ჟურნალისტებს განუცხადა, ამით საქართველომ საერთაშორისო ასპარეზზე იმიჯის დაზიანება თავიდან აიცილა.

"მიუხედავად იმისა, რომელი პოლიტიკური პარტია ან ჯგუფი მონაწილეობდა ამ პროცესში ან ემიჯნებოდა, ეს საერთო გამარჯვებაა. ეს არის საქართველოსთვის უაღრესად მნიშვნელოვანი ნაბიჯი თავისუფლებისა და დემოკრატიის განმტკიცების გზაზე და რაც მთავარია, ჩვენ თავიდან ავიცილეთ საქართველოს იმიჯის შეუქცევადი დაზიანება საერთაშორისო ასპარეზზე. ნებისმიერი გადაწყვეტილების მიღების დროს სახელმწიფოს ინტერესები უნდა იყოს ამოსავალი. მიხარია, რომ სწორედ იმ დეპუტატებმა, რომლებმაც დავტოვეთ პროპორციული საარჩევნო სისტემის ჩავარდნის გამო და ასევე იმ დეპუტატებმა, რომლებმაც სამართლიანი სასამართლოს გამო დატოვეს "ქართული ოცნება", შევქმენით გარანტიები, რომ საკონსტიტუციო ცვლილებები ბოლომდე გასულიყო. დღეს მიღებული საკანონმდებლო ცვლილებები ნიშნავს, რომ საქართველოში მომავალი პარლამენტი იქნება უფრო წარმომადგენლობითი, უფრო სახალხო, რეალურად, ქვეყნისა და ჩვენი საზოგადოების ინტერესების გამტარებელი და მრავალფეროვანი, რაც ხელს შეუწყობს საქართველოში დემოკრატიული ინსტიტუტების განმტკიცებასა და ჩვენი ქვეყნის კიდევ უფრო სწრაფ პროგრესს. სამწუხაროდ, თვეები დაიკარგა იმ ცვლილებებზე, რომელიც 14 ნოემბერს უნდა დასრულებულიყო და არცერთი დღის დაკარგვა აღარ შეიძლება, რომ ჩვენ არ გადავერთოთ მთლიანად ყოველდღიურ სოციალურ-ეკონომიკურ პრობლემებზე, რომელიც ჩვენი საზოგადოებისთვის უაღრესად მნიშვნელოვანია"-აცხადებს ჯაში.

ცნობისთვის, პარლამენტმა საკონსტიტუციო ცვლილებები მესამე მოსმენით დაამტკიცა.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის