„მთავარი არხის“ ერთ-ერთი მეწილის, ბრალდებულ გიორგი რურუას საქმის პროკურორის, ვასილ სამხარაძის განცხადებით, კამერა, რომელიც გაფუჭებული იყო, გიორგი რურუას დაკავების ადგილს არ უყურებდა. პროკურორის თქმითვე, აღნიშნული კამერა შენობის მხოლოდ შიდა პერიმეტრს უყურებდა.
„მოწმემ კამერებთან დაკავშირებით განმარტა, რომ ნამდვილად ამოღებულია გარესათავლთვალო კამერების ჩანაწერი და სასამართლში წარმოდგენილია. დაცვის მხარეს ჰქონდა კითხვები იმასთან დაკავშირებით, რომ ერთ-ერთი კამერა არ მუშაობდა და რომ თითქოს, ეს იყო ის კამერა, რომელიც უშუალოდ აფიქსირდება გიორგი რურუას დაკავებას. თუმცა, მოწმემ განმარტა, რომ კომერციულ ფართში არსებული კამერა, რომელიც არ მუშაობდა, ოფისის შიდა პერიმეტრს, ინვენტარს უყურებდა. შიდა კამერა ვერანაირად ვერ მოახდენდა ჭავჭავაძის გამზირის მიმდებარე ტერიტორიაზე ასახული გარემოებების აღბეჭდვას. ეს კამერები უშუალოდ არ უყურებს იმ ადგილს, სასაფლაოების მიმდებარე ტერიტორიას, სადაც ჩხრეკა ჩატარდა. მოწმემ ეჭვი გამოთქვა, რომ შესაძლოა, ეს კამერები იმ ადგილს უყურებდესო, თუმცა, როცა წარდგენილი იქნა ეს ჩანაწერი და თვითონაც გაიხსენა, თქვა, დაადასტურა, რომ სასაფლაოებს უშუალოდ ეს კამერა არ უყურებს“, - განაცხადა სამხარაძემ.
შემდეგი სასამართლო პროცესი 1 ივლისს, 11:00 საათზე გაიმართება და კვლავ დაცვის მხარის მტკიცებულებების გამოკვლევით გაგრძელდება.