ლევან ნატროშვილის განცხადებით, არჩევნებზე მინიმალური შეზღუდვები უნდა იყოს, როგორიცაა პირბადის ტარება, სოციალური დისტანცირება და დეზინფექციის ჩატარება

„საერთაშორისო გამჭვირვალობა-საქართველოს" წარმომადგენლის, ლევან ნატროშვილის განცხადებით, პარლამენტში სამუშაო ჯგუფის შეხვედრაზე „არჩევნები და პანდემია", კორონავირუსის პირობებში არჩევნების ჩატარების საკითხი განიხილება. როგორც მან შეხვედრის დაწყებამდე ჟურნალისტებს განუცხადა, მიაჩნიათ, რომ არჩევნებზე მინიმალური შეზღუდვები უნდა იყოს, როგორიცაა პირბადის ტარება, სოციალური დისტანცირება და დეზინფექციის ჩატარება.

„დღევანდელი შეხვედრა პანდემიის დროს არჩევნების ჩატარებას ეძღვნება. ჩვენ წინა შეხვედრაზე შევთანხმდით, რომ მუხლის გარკვეული ფორმულირება მოხდებოდა, თუ როგორ შეიძლება, რომ ის რისკები, რაც პანდემიის დროს არსებობს, გათვალისწინებული იყოს და გარკვეული რეგულაციები შემუშავდეს პანდემიის დროს არჩევნების ჩატარების კუთხით. დღეს სწორედ ამ მუხლის განხილვას ვაპირებთ, სადაც ჩამოყალიბებულია ის ძირითადი პრინციპები, რომლის მიხედვითაც შემდეგ უკვე სხვა საკანონმდებლო აქტები განისაზღვრება, როგორიც არის მაგალითად ცესკო-ს კანონქვემდებარე აქტები, სადაც გაწერილი იქნება, როგორ მიიღებს ამომრჩეველი მონაწილეობას არჩევნებში, ასევე უბანზე მისვლის პროცედურები, საუბარია პირბადისა და სადეზინფექციო საშუალებების აუცილებლობაზე, სხვა დამატებით რეგულაციებზე, რომელიც შეიძლება საჭირო გახდეს, განსაკუთრებით კარანტინის ზონებში არსებული ამომრჩევლისთვის და უკვე დაინფიცირებული ამომრჩევლისთვის. სწორედ ამ საკითხების განხილვას ვაპირებთ. ჩვენ აღნიშნულთან დაკავშირებით განსაკუთრებული შენიშვნები არ გვაქვს, რაც ჩამოყალიბებულია. თერმოსკრინინგი ამ მუხლში წერია. ცესკო-ს შეუძლია, რომ თერმოსკრინინგის აუცილებლობაც შემოიტანის დღის წესრიგში, თუმცა წინა შეხვედრაზე ჩვენ ვისაუბრეთ ამ თემაზე, რომ თერმოსკრინინგს აქვს ერთი პრობლემა, არაზუსტია, სიცხის გამო შესაძლოა, არაგონივრული იყოს, რომ ადამიანს ხმის მიცემის უფლება ჩამოვართვათ. სავარაუფოდ, ეს ცესკო-ს კონკრეტული დადგენილებით დარეგულირდება. ჩვენ არ ვემხრობით, რომ იმდენად მკაცრი იყოს ეს რეგულაციები, ბევრი ადამიანი შეიძლება უბრალოდ თამაშგარეთ აღმოჩნდეს. აღნიშნულის გათვალისწინებით ვფიქრობთ, რომ მინიმალურო შეზღუდვები უნდა იყოს, როგორიც არის პირბადის ტარება, შენობებში სოციალური დისტანცირების დაცვა, სადაც ეს შესაძლებელია და დეზინფეციის გაკეთება ყველა ამომრჩევლისთვის", - აცხადებს ლევან ნატროშვილი.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო