ირანში, ერთ დღეში, კორონავირუსით 162 ადამიანი გარდაიცვალა, რაც ყველაზე მაღალი მაჩვენებელია თებერვლიდან, იმ პერიოდიდან, როდესაც ქვეყანაში „კოვიდ 19“-ის პირველი შემთხვევა დადასტურდა,- ამის შესახებ ინფორმაციას Guardian-ი ქვეყნის ჯანდაცვის სამინისტროზე დაყრდნობით ავრცელებს.

მათივე ინფორმაციით, დღემდე დაინფიცირების რეკორდული დღიური მაჩვენებელი აპრილში დაფიქსირდა, როდესაც ვირუსს 158 ადამიანის სიცოცხლე ემსხვერპლა.

გარდა ამისა, ქვეყანაში „კოვიდ 19“-ის 2 536 ახალი შემთხვევა გამოვლინდა და დაინფიცირებულთა საერთო რაოდენობა 225 205-მდე გაიზარდა, საიდანაც გამოჯანმრთელებულია 186 180 და დაღუპულია 10 670 ადამიანი.

ცნობისათვის, ირანში კორონავირუსის პირველი შემთხვევა 19 თებერვალს დადასტურდა.