30 ივნისს, “ევროკავშირი-საქართველოს ბიზნეს საბჭოს” ორგანიზებით შვიდი ბიზნეს ასოციაციის შეხვედრა გაიმართება , რომელზეც ხელი მოეწერება ურთიერთგაგების მემორანდუმს.

ევროკავშირი-საქართველოს ბიზნეს საბჭოს, საქართველოში საერთაშორისო სავაჭრო პალატის, საქართველოს დისტრიბუტორთა ბიზნეს ასოციაციის, საქართველოს მწარმოებელთა ფედერაციის, საქართველოს დამსაქმებელთა ასოციაციის, გადასახადის გადამხდელთა კავშირისა და საქართველოს ბანკების ასოციაციის ხელმძღვანელები ხელს მოაწერენ ერთობლივ დოკუმენტს.

"შეთანხმების მიზანს წარმოადგენს მხარეებს შორის თანამშრომლობის ჩარჩოების შექმნა, კერძოდ: შეხვედრები და კოორდინაცია; ერთობლივი სამოქმედო გეგმა მთავრობასთან კომუნიკაციისათვის; ერთობლივი განცხადებები/რეკომენდაციები და სტრატეგიის შემუშავება ბიზნესის სამართლიანი ინტერესების დაცვისა და კრიზისულ პერიოდში კონკრეტული დახმარების გაწევის მიზნით", - ნათქვამია ინფორმაციაში.