რომ გამოლაგდა ლამის მთელი „ოცნება“ და დემოკრატიის გამარჯვებას ზეიმობენ, რამდენიმე თვის წინ, კალაძე რომ ამბობდა, არაფერი შეიცვლებაო ანუ მაშინ დემოკრატიას მარხავდნენ?! მაშინ არ უნდოდათ დემოკრატია ამ ქვეყანაში და ახლა უნდათ?! ან სად გაქრა კალაძის პრინციპულობა?“ - ასე ეხმაურება პოლიტიკური გაერთიანება „ტრიბუნას“ ლიდერი დავით ჭიჭნაძე, საარჩევნო სისტემის ცვლილებასთან დაკავშირებით „ქართული ოცნების“ ლიდერების მხრიდან გაკეთებულ კომენტარებს.
მისი თქმით, ეს ყველაფერი ძალიან სასაცილო საყურებელი და მასკარადია.
როგორც ჭიჭინაძე აღნიშნავს, „ქართული ოცნების“ წევრებს დღეს ჩვეულებრივი ვაჭრობა აქვთ გაჩაღებული, რის შემდეგაც ზოგს, ალბათ, თანამდებობას მისცემენ, ზოგს სიაში ჩასვამენ, ზოგს კი დააბინავებენ,
„ეს ყველაფერი ძალიან სასაცილო საყურებელი და მასკარადია. არც არჩევნებთან აქვს არაფერი საერთო. ერთადერთი, რასთანაც ამ ყველაფერს აქვს კავშირი - ივანიშვილის კარზე როგორ დაბინავდნენ - აი, ეს არის დღეს მათი მთავარი მოთხოვნაც და მოცემულობაც. დღესაც ჩვეულებრივი ვაჭრობა აქვთ გაჩაღებული, რის შემდეგაც ზოგს, ალბათ, თანამდებობას მისცემენ, ზოგს სიაში ჩასვამენ, ზოგს დააბინავებენ, ზოგსაც გადააგდებენ და ამიტომაც ვიღებთ რეალობას, რომ ბიძინა ივანიშვილის ზურგს უკან ვინ დგას და ვის ირჩევენ, ხალხმა არ იცის. ისეთი ადამიანებიც კი ხვდებიან სიებში, ვისაც მეამბოხეობაც კი შეუძლიათ დააბრალონ ანუ, ისეთი მანიპულირება ხდება ადამიანებით, ვისაც არა მარტო ვალდებულება არ გააჩნიათ ამორჩევლის წინაშე, არამედ მათ თავისი არაფერი არ გააჩნიათ. ამიტომ ვთვლი, რომ ადამიანი პესონალურად უნდა იღებდეს პასუხისმგებლობას ამომრჩევლის წინაშე და არა ვიღაცის ზურგს უკან“, - აცხადებს დავით ჭიჭინაძე.
ჭიჭინაძის კომენტარს მისი პრესსამსახური ავრცელებს.