მთავრობის ადმინისტრაციასთან ემიგრანტთა ოჯახის წევრებმა, სამოქალაქო საზოგადოებამ და არასამთავრობო ორგანიზაციებმა აქცია გამართეს. აქციის მონაწილეების თქმით, მათი უმთავრესი მოთხოვნაა, რომ ხელისუფლებამ დამატებითი სპეცრეისები დანიშნოს და მოქალაქეების სამშობლოში დაბრუნება უზრუნველყოს.
"ჩვენი უმთავრესი მოთხოვნაა ხელისუფლება, რომ ხელისუფლებამ სპეცრეისები დანიშნოს და აღასრულოს ჩვენი მოქალაქეების ყველაზე უმთავრესი უფლება, დაბრუნდნენ სამშობლოში. ხელისუფლება სრულ იგნორირებას ახდენს. პიარისთვის რამდენიმე სპეცრეისი დანიშნა და ამ დროს ათობით ათასი მოქალაქე უპატრონოდ, სახელმწიფოს მხრიდან ყოველგვარი მხარდაჭერის გარეშე, უცხოეთში უმძიმეს მდგომარეობაშია. ჩვენი ეს მოთხოვნა უმთავრესია.ხელისუფლებამ სპეცრეისები უნდა დანიშნოს და სათანადო წესების დაცვით ჩვენს ქვეყანაში მოქალაქეები დააბრუნოს",-განაცხადა აქციის ერთ-ერთ მონაწილემ ირაკლი კიკიანმა.