ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ამ ეტაპზე ინფექციურში ყირიმ-კონგოს დიაგნოზით ერთი პაციენტი მკურნალობს, რომელიც გამოჯანმრთელდა და კლინიკას მალე დატოვებს.
„ჩვენ ამ ეტაპზე მხოლოდ ერთი პაციენტი გვყავს, რომელიც უკვე გამოჯანმრთელებულია და ალბათ, მალე კლინიკას დატოვებს. საეჭვო ყირიმ-კონგოზე შემოსული იყო რამდენიმე პაციენტი, რომლებთანაც გამოირიცხა აღნიშნული დიაგნოზი და ამ ეტაპზე მათ მდგომარეობა დამაკმაყოფილებელია, ისინიც დატოვებენ კლინიკას. ფაქტობრივად, აღარ არის ამ ეტაპზე [ინფიცირებული].
ჯერჯერობით შემიძლია გითხრათ, ქვეყანაში მხოლოდ და მხოლოდ 10 დადასტურებული ყირიმ-კონგოს შემთხვევაა დღევანდელ დღემდე”, - განაცხადა ეზუგბაიამ.