ჩვენი საზოგადოების დაკვეთაა მომავალზე საუბარი და არა წარსულის ჯგუფებზე, რომლის ნათელი წარმომადგენლები არიან სააკაშვილი, ბოკერია და რურუა,- ამის შესახებ იურიდიულ საკითხა კომიტეტის თავმჯდომარემ ანრი ოხანაშვილმა განაცხადა. როგორც მან ჟურნალისტებთან განაცხადა, გერმანიის ელჩის გაწვევა კი არ მოხდება, ოქტომბრის არჩევნებზე ოპოზიციას “ქართველი საზოგადოება გაიწვევს პოლიტიკური ცხოვრებიდან”.
“შალვა ნათელაშვილი მეშვეობით განაცხადეს, რომ გერმანიის ელჩი უნდა გაიწვიონ, რეალურად 2020 წლის ოქტომბერში ჩვენი საზოგადოება გაიწვევს ამ ჯგუფებს პოლიტიკური ცხოვრებიდან. ჩვენი საზოგადოების დაკვეთაა მომავალზე საუბარი და არა წარსულის ჯგუფებზე, რომლის ნათელი წარმომადგენლები არიან სააკაშვილი, ბოკერია და რურუა. ასე გააგრძელოს ამ ტრიომ ნათელაშვილის მეშვეობით და გერმანიის ელჩს კი არ გაიწვევენ, ჩვენი საზოგადოება გაიწვევს ამ ხალხს პოლიტიკური ცხოვრებიდან”,- განაცხადა ოხანაშვილმა.
შეგახსენებთ, რომ შეგახსენებთ, რომ შალვა ნათელაშვილმა განაცხადა, რომ „გერმანიის სამარცხვინო ელჩი საკუთარ ბიზნესზე მუშაობს“. „გერმანიის ელჩი ფინანსდება ივანიშვილის რეჟიმისგან. მივმართავ გერმანიის მთავრობას, გაიწვიეთ სამარცხვინო ელჩი“, - განაცხადა შალვა ნათელაშვილმა.
ამასთან, საქართველოში ევროკავშირის წარმომადგენლობამ კი ევროკავშირის დიპლომატიური მისიების ხელმძღვანელებთან შეთანხმებით განცხადება გაავრცელა. "ვგმობთ გარკვეული პოლიტიკური აქტორებისა და მედიასაშუალებების თავდასხმებს ჩვენი კოლეგის, გერმანიის ელჩის ჰუბერტ ქნირშის წინააღმდეგ,"- აღნიშნულია განცხადებაში.