გიორგი კანდელაკი - იმ ფონზე, როცა ევროკავშირი საზღვრებს გვიხსნის, გაუგებარი და ქვეყნისთვის საზიანოა საქართველოს მთავრობის გადაწყვეტილება, არ აღდგეს რეგულარული ფრენები

„ევროპული საქართველო“ მოუწოდებს საქართველოს მთავრობას, რომ ევროკავშირის მიერ გამოქვეყნებულ სიაზე დაყრდნობით გახსნას რეგულარული ფრენები ევროკავშირთან, ან ყოველ შემთხვევაში, ევროკვშირის იმ წევრ სახელმწიფოებთან, სადაც COVID 19-ის ეპიდემიოლოგიური სიტუაცია შეფასებულია, როგორც კარგი ან ძალიან კარგი, - ამის შესახებ „ევროპული საქართველოს“ ერთ-ერთმა წევრმა გიორგი კანდელაკმა ჟურნალისტებს განუცხადა.

მისი განმარტებით, გუშინ, ევროპის კავშირმა მუშაობა დაასრულა და გამოაქვეყნა იმ ქვეყნების სია, საიდანაც ევროკავშირის ტერიტორიაზე შესვლა დაშვებულია კარანტინის გარეშე. კანდელაკის თქმით, მისასალმებელია, რომ ამ ქვეყნების მცირე ჩამონათვალში ფიგურირებს საქართველო.

„იმ ფონზე, როცა ევროკავშირი საზღვრებს გვიხსნის, სრულიად გაუგებარი და ქვეყნისთვის საზიანოა საქართველოს მთავრობის გადაწყვეტილება, რომ არ აღდგეს რეგულარული ფრენები. აღსანიშნავია, რომ მთავრობის გადაწყვეტილება, რეგულარული ფრენები არ აღდგეს, ეხება ევროკავშირის ისეთ წევრებსაც, სადაც კარგი ეპიდემიოლოგიური სიტუაციაა. ამასთან, გუშინ, პრემიერ-მინისტრმა გახარიამ მოიტყუა, როდესაც თქვა, ფრენები რეგულარულად ხორციელდება ამ და ამ ქალაქებშიო, რადგან ეს ფრენები არცთუ ისე ხშირად ხორციელდება და არის ჩარტერული, საკმაოდ მაღალი ფასებით. დღესდღეობით, საქართველოდან რეგულარული ფრენები არსად ხორციელდება. უაღრესად მძიმე ვითარებაში აღმოჩნდა ძალიან ბევრი ადამიანი. ვინც ბინა გაარემონტა, ან პატარა სასტუმროში ჩადო ფული, დღეს შემოსავლის გარეშეა დარჩენილი. აქედან გამომდინარე „ევროპული საქართველო“ მოუწოდებს საქართველოს მთავრობას, რომ ევროკავშირის მიერ გამოქვეყნებულ სიაზე დაყრდნობით, ვისარგებლოთ ამ შესაძლებლობით და გავხსნათ რეგულარული ფრენები ევროკავშირთან, ან ყოველშემთხვევაში, ევროკავშირის იმ წევრ სახელმწიფოებთან, სადაც ეპიდემიოლოგიური სიტუაცია შეფასებულია, როგორც კარგი ან ძალიან კარგი. მაგალითად, ასეთი ქვეყნებია: ბალტიის ქვეყნები, პოლონეთი, სხვა რამდენიმე ქვეყანა, რომლებიც ჩვენი ტურიზმისთვის ტრადიციულად ძალიან მნიშვნლოვანია“, - განაცხადა გიორგი კანდელაკმა.

იხილეთ ვიდეო:გიორგი კანდელაკი - მთავრობის გადაწყვეტილება, რომ არ აღდგეს რეგულარული ფრენები, საზიანო და გაუგებარია

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან