“სამართლიანი არჩევნების” აღმასრულებელი დირექტორი - „საარჩევნო კოდექსში“ რამდენიმე მნიშვნელოვანი საკითხი ღიად არის დარჩენილი

“სამართლიანი არჩევნების” ახალი აღმასრულებელი დირექტორის, ელენე ნიჟარაძის განცხადებით, „საარჩევნო კოდექსში“ შესატანი ცვლილებების პროექტში“ არ არის ისეთი მნიშვნელოვანი საკითხები გათვალისწინებული, როგორიცაა საარჩევნო ადმინისტრაციის დაკომპლექტება და საარჩევნო დავები.

როგორც ელენე ნიჟარაძემ ჟურნალისტებთან საუბრისას განაცხდა, აღნიშნული საკითხები “ღიად არის დარჩენილი”.

“საარჩევნო გარემოს გაჯანსაღებისა და თანასწორი და კონკურენტული საარჩევნო გარემოს უზრუნველყოფისთვის ერთ-ერთი მნიშვნელოვან საკითხს წარმოადგენს საარჩევნო კანონმდებლობის რეფორმა. დიდი ხანია მუშაობს მიმდინარეობა ამ საკითხზე, სამუშაო ჯგუფი შეიქმნა ჯერ კიდევ გასულ წელს. გასულ კვირას დარეგისტრირდა პარლამენტში ცვლილებების პროექტი, რომელიც შეეხება როგორც საარჩევნო კოდექსს, ასევე სხვა საკანონმდებლო აქტებს. მათ შორისაა ძალიან ბევრი საკითხი, ეს შეეხება როგორც პარტიების დაფინანსებას, ასევე მედია რეგულაციებს, ადმინისტრაციული რესურსის გამოყენებას. მნიშვნელოვანი სიახლეები იქნა შეტანილი და იმედი გვაქვს, რომ პროცესი წარმატებით დასრულდება, თუმცა ჩვენი მხრიდან გვაქვს კომენტარები იმასთან დაკავშირებით, რომ ისეთი მნიშვნელოვანი საკითხები, როგორებიცაა საარჩევნო ადმინისტრაციის დაკომპლექტება, ასევე საარჩევნო დავები, სამწუხაროდ, არ აისახა ამ ცვლილებებში და კვლავ ღიად არის დარჩენილი ეს საკითხი. იმედი გვაქვს, რომ ის ცვლილებები, რაც წარდგენილია და ითვალისწინებს არამარტო ჩვენ რეკომენდაციებს, ასევე ეუთო/ოდირის რეკომენდაციებს, მიღებული იქნება და ეს პროცესი უახლოეს მომავალში დასრულდება”, - განაცხადა ელენე ნიჟარაძემ.

საკონსტიტუციო ცვლილებების დამტკიცების შემდეგ, პარლამენტი საარჩევნო კოდექსზე მუშაობას იწყებს. კოდექსში შესატან ცვლილებებს პარლამენტი დაჩქარებული წესით განიხილავს. პროექტის პირველი საკომიტეტო განხილვა დღეს იურიდიულ საკითხთა კომიტეტზე მოხდება.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან