გაერთიანებულ სამეფოში კორონავირუსით დაღუპულთა რაოდენობა 54 852-ს აღწევს, - ამის შესახებ ინფორმაციას „როიტერსი“ აქვეყნებს. სააგენტოს ცნობით, მათი მონაცემები ეფუძნება გარდაცვალების ცნობებს, სადაც „კოვიდ -19“ იყო ნახსენები, რომელიც ინგლისში, უელსსა და ჩრდილოეთ ირლანდიაში 19 ივნისამდე, შოტლანდიაში კი - 21 ივნისამდეა გაცემული.
აღსანიშნავია, რომ ხელისუფლების მიერ ყოველდღიურად გავრცელებული ფატალური შემთხვევების მონაცემებისგან განსხვავებით, გარდაცვალების ცნობებზე დაფუძნებული მონაცემები საეჭვო შემთხვევებსაც მოიცავს.
ცნობისათვის, ოფიციალური მონაცემებით, გაერთიანებულ სამეფოში კორონავირუსით 43 575 ადამიანია დაღუპული.