პაატა იმნაძე - ნაკლები სახელმწიფო შეზღუდვები, მეტი - თვითშეგნება, არ გვინდა, რომ ვირუსი  ფართოდ იყოს გავრცელებული? დავიცვათ ელემენტარული წესები!

ნაკლები სახელმწიფო შეზღუდვები მეტი ჩვენი თვითშეგნება. არ გვინდა რომ ვირუსი იყოს ფართოდ გავრცელებული? დავიცვათ ელემენტარული წესები, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ განაცხადა.

მისი თქმით, ელემენტარულ წესებს თუ არ დავიცავთ, სამწუხაროდ, ვირუსი კვლავ გავრცელდება. იმნაძის განმარტებით, ძველებურად მკაცრი შეზღუდვები არ იმოქმედებს, თუმცა არც ის იქნება სასიამოვნო საქართველოს ათასობით მოქალაქე რომ იყოს ჰოსპიტალიზებული.

„როდესაც საერთოდ არაფერი არ ვიცოდით ამ ვირუსზე, მაშინ, რა თქმა უნდა, ჩვენი უპირველესი რჩევა, რეკომენდაცია იყო, რომ მაქსიმალურად შეგვეზღუდა მობილობა ადამიანების, რათა დაავადებისთვის არ მიგვეცა გავრცელების შანსი. მე მგონი, მოვახერხეთ, რომ არ გავრცელდა დაავადება ქვეყანაში. ახლა დადგა ის ეტაპი, როდესაც მეტ-ნაკლებად ამ ვირუსს ვიცნობთ. სამწუხაროდ, ჯერ კიდევ ბევრი მასში ამოუცნობია, მაგრამ უკვე ვიცით, როგორ შეიძლება მასთან ბრძოლა. ამიტომ, დღეს რჩება ერთი - ნაკლები სახელმწიფო შეზღუდვები, მეტი ჩვენი თვითშეგნება. არ გვინდა, რომ ვირუსი იყოს ფართოდ გავრცელებული ? დავიცვათ ელემენტარული წესები. თუ არ დავიცავთ, სამწუხაროდ, ვირუსი ისევ გავრცელდება. შეზღუდვები ამას, ალბათ, ნაკლები მოჰყვება, რა თქმა უნდა, ისეთი აღარ იქნება, მაგრამ სასიამოვნო ხომ არ იქნება, რომ ათასობით ჩვენი მოქალაქე იქნება ჰოსპიტალიზირებული“, - განაცხადა პაატა იმნაძემ.

იხილეთ ვიდეო:დაავადებათა კონტროლის ცენტრის ხელმძღვანელი პირები მოქალაქეების მიერ რეკომენდაციების შესრულების აუცილებლობაზე საუბრობენ

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა