ტექნიკურ უნივერსიტეტში საერთაშორისო კონფერენცია - „გლობალიზაცია და ბიზნესის თანამედროვე გამოწვევები” ჩატარდა

საქართველოს ტექნიკური უნივერსიტეტის ბიზნესტექნოლოგიების ფაკულტეტზე მე-4 საერთაშორისო სამეცნიერო კონფერენცია - „გლობალიზაცია და ბიზნესის თანამედროვე გამოწვევები“ ჩატარდა. ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს. მათი ცნობით, კონფერენციის მუშაობაში მონაწილეობის მიღება შესაძლებელი იყო ტექნიკური უნივერსიტეტის ელექტრონულ პორტალზე, „Zoom”-ის სისტემის გამოყენებით.

„კონფერენციის ფარგლებში მუშაობა 5 სექციად წარიმართა. კერძოდ, „მენეჯმენტისა და მარკეტინგის განვითარების თანამედროვე ტენდენციები და პერსპექტივები“, „ფინანსების, საბანკო საქმის, საბუღალტრო აღრიცხვისა და აუდიტის აქტუალური პრობლემები“, „ეკონომიკა, ეკონომეტრიკა, აგრობიზნესი და სტატისტიკა განვითარების თანამედროვე ეტაპზე“, „საჯარო და ელექტრონული მმართველობის თანამედროვე გამოწვევები“, „ტურიზმის თანამედროვე გამოწვევები და პერსპექტივები“.

კონფერენციის მუშაობაში მონაწილეობდნენ, როგორც საქართველოს ტექნიკური უნივერსიტეტის პროფესორ-მასწავლებლები და სტუდენტები, ასევე და უცხოეთის წამყვანი უნივერსიტეტების წარმომადგენლები - პარიზის ბიზნესსკოლის პროფესორი ნინო თანდილაშვილი-სალანი, უნგრეთის პანონის უნივერსიტეტის პროფესორები: ბიზნესისა და ეკონომიკის ფაკულტეტის დეკანი ბიეტა ფეჰერვოლგვი და ვიქტორია ცუპონი.

„კონფერენციაზე წარმოდგენილ იქნა საინტერესო ანალიტიკური თემები პანდემიური და პოსტპანდემიური თვალთახედვით, რამაც პრაქტიკულად, გახსნა ახალი დისკუსია, რაც გასცდება საკონფერენციო ფორმატს და სამომავლოდ, სასწავლო პროცესში ჩართული იქნება ქეისების სახით. გარდა ამისა, მსჯელობა გაიმართა კონკრეტულ საკითხებზე: კერძოდ, სასტუმრო ბიზნესის და ტურიზმის დღევანდელ გამოწვევებზე, მასთან დაკავშირებულ სამთავრობო ღონისძიებების დროულობასა და აქტუალურობაზე, ადამიანური რესურსების მართვის პრობლემებზე ადგილობრივ თვითმმართველობაში, პროფესიული განათლების სისტემაზე, გენდერულ საკითხებზე და მრავალი სხვა. აღსანიშნავია, რომ გარკვეული თემების წამოწევა დებატებისა და მსჯელობის საფუძველზე მოხდა, რამაც გაცილებით მრავალფეროვანი გხადა კონფერენციის მიზნიდან გამომდინარე შედეგები“, - ნათქვამია ინფორმაციაში.

როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ქართული პრესის მიმოხილვა 18.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა