დიმიტრი ცქიტიშვილი აცხადებს, რომ ეკონომიკის ვარდნის ნეგატიური მაჩვენებელი მოსალოდნელი იყო

საპარლამენტო უმრავლესობის წევრი, დიმიტრი ცქიტიშვილი აცხადებს, რომ ეკონომიკის ვარდნის ნეგატიური მაჩვენებელი მოსალოდნელი იყო და აღნიშნავს, რომ დღეს ხელისუფლებამ უნდა იფიქროს იმაზე, სწორად როგორ აღადგინოს ეკონომიკური მიმართულებები, რომელიც გაჩერდა. როგორც ცქიტიშვილმა ჟურნალისტებს განუცხადა, მომდევნო თვეებში ეკონომიკის ვარდნა ნაკლები, თუმცა მაინც იქნება.

"მოსალოდნელი იყო, რომ ვარდნის მაჩვენებელი იქნებოდა ასეთი ნეგატიური. დღეს უნდა ვიფიქროთ არა იმაზე, რამ გამოიწვია ეს, რადგან ვიცით, რამაც გამოიწვია - გაჩერებული იყო ეკონომიკური სექტორი რამდენიმე მიმართულების გარდა, დღეს უნდა ვიფიქროთ იმაზე, სწორად როგორ აღვადგინოთ ის ეკონომიკური მიმართულებები, რომელიც გაჩერდა. შესაბამისად, სწორი ბალანსი უნდა ვიპოვოთ. იმ მიმართულებით გავაკეთოთ მეტი მხარდაჭერა, რომელსაც პერსპექტივა აქვს მოკლე ვადაში აღდგენის და არა იმ მიმართულებით, რომელსაც სამწუხაროდ, რაღაც პერიოდის განმავლობაში არ ექნება პერსპექტივა. უფრო უნდა ვიფიქროთ მომავალზე, როგორ დავძლიოთ ეს გამოწვევები შემოდგომაზე და მომდევნო წლის განმავლობაში. ივნისში და ივლისში ნაკლები იქნება, თუმცა მაინც იქნება ვარდნები, იმიტომ რომ დაკეტილია საზღვრები, ტურისტული ინდუსტრია გაჩერებულია, შესაბამისად, გაჩერებულია მომსახურების სფერო. ყველაფერი ჯაჭვური რეაქციით შენელებულია, რა თქმა უნდა, ციფრები იქნება უკეთესი, მაგრამ ჯერ კიდევ იქნება ნეგატიური”,- განაცხადა ცქიტიშვილმა.

ცნობისთვის, წინასწარი შეფასებით, მაისში საქართველოს ეკონომიკა 13.5%-ით შემცირდა. იანვარ-მაისის საშუალო რეალური ზრდა უარყოფითია და -5.4%-ს შეადგენს.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 22.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის