ენერგოომბუდსმენი სალომე ვარდიაშვილი საქართველოს პარლამენტის რეგიონული პოლიტიკისა და თვითმმართველობის კომიტეტის სხდომაზე 2019 წლის ანგარიშით წარსდგა, რომელიც ენერგეტიკის და წყალმომარაგების დარგში მომხმარებელთა უფლებრივ მდგომარეობას შეეხება.
როგორც ენერგოომბუდსმენის აპარატის მიერ გავრცელებულ ინფორმაციაშია ნათქვამი, სალომე ვარდიაშვილმა ვრცლად ისაუბრა დარგში არსებულ პრობლემებზე, მომხმარებელთა უფლებების დარღვევის ფაქტებზე, ენერგოომბუდსმენის აპარატის მიერ განხორციელებულ ქმედებებზე.
„გამოსვლისას სალომე ვარდიაშვილმა ყურადღება გაამახვილა რეგიონულ პროექტებზე და რეგიონში მცხოვრები მომხმარებლების უფლებრივი მდგომარეობის გაუმჯობესებაზე. შეგახსენებთ, რომ ენერგოომბუდსმენის აპარატი ყოველწლიურად წარმოადგენს სრულყოფილ ანგარიშს წინა წელს განხორციელებულ საქმიანობასთან დაკავშირებით, რომელიც საჯაროა და ხელმისაწვდომი ყველა საჯარო და დაინტერესებული პირისთვის,"-ნათქვამია ინფორმაციაში.