გენერალური აუდიტორის, ირაკლი მექვაბიშვილის განცხადებით, 2019 წელს სახელმწიფო აუდიტის სამსახურის მიერ პროკურატურაში გადაგზავნილ ყველა საკითხზე სისხლის სამართლის კონკრეტული საქმეებია აღძრული.
როგორც ერეკლე მექვაბიშვილმა პარლამენტის საფინანსო-საბიუჯეტო კომიტეტის სხდომაზე უწყების 2019 წლის ანგარიშის წარდგენისას განაცხადა, გასულ წელს პროკურატურას აუდიტის 34 ანგარიში გადაეგზავნა.
„გასულ წელს პროკურატურაში 34 ანგარიში გადავაგზავნეთ, ჩემი ინფორმაციით, პრაქტიკულად ყველა საკითხზე კონკრეტული სისხლის სამართლის საქმეებია აღძრული და გამოძიება ინტენსიურ რეჟიმში მიმდინარეობს. ეს იმაში გამოიხატება, რომ ჩვენი აუდიტორები ესწრებიან პროცესებს, პროკურატურა დამატებით მასალებს გვთხოვს. ჩვენგან სრული მზადყოფნაა თანამშრომლობაზე. კონკრეტული შედეგიც, საზოგადოებამაც იცის, დამდგარია რამდენიმე ეპიზოდში და მოლოდინი გვაქვს, რომ შედეგები იქნება,“- განაცხადა გენერალურმა აუდიტორმა.