დიდი ბრიტანეთის მედიკამენტებისა და სამედიცინო პროდუქტების მარეგულირებელმა სააგენტომ პრეპარატ „ჰიდროქსიქლოროქინზე“ („პლაქვენილი“) კლინიკური კვლევის ჩატარების ნებართვა გასცა.
მედიის ინფორმაციით, კლინიკური ცდების მიზანია, დაადგინონ, შეუძლია თუ არა მალარიის საწინააღმდეგო მედიკამენტს კოვიდ 19-ის ინფექციის პრევენცია.
ცნობისათვის, დიდ ბრიტანეთში „ჰიდროქსიქლოროქინზე“ კლინიკური ცდა მანამდეც ჩატარდა, თუმცა მედიკამენტის ეფექტურობა ვერ დადგინდა.
შეგახსენებთ, აშშ-ის პრეზიდენტმა დონალდ ტრამპმა „ჰიდროქსიქლოროქინს“ „გეიმ-ჩეინჯერი“ უწოდა და განაცხადა, რომ კორონავირუსის პრევენციის მიზნით ის პრეპარატს მოიხმარდა.