ჩვენ იმისთვის არ შევკრებილვართ, რომ გვაქვს განსხვავებული პოზიციები, ჩვენ შევიკრიბეთ იმისთვის, რომ კიდევ ერთხელ დეტალურად გავიაროთ საარჩევნო კოდექსში დაგეგმილი ცვლილებები და სხვა პარტიული საკითხები, - ამის შესახებ საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა განაცხადა.
ოხანაშვილის თქმით, რადიკალურად განსხვავებული პოზიციები გუნდში არ იქნება, თუმცა არ გამორიცხავს, რომ გარკვეულ საკითხებზე გუნდში აზრთა სხვადასხვაობა იყოს.
„სწორედ იმისთვის ვართ შეკრებილები, რომ საარჩევნო კოდექსში დაგეგმილი ცვლილებები დეტალურად გავიაროთ, ასევე წინასაარჩევნო საკითხები, რასაც პარტია დაგეგმავს ამ საკითხთან დაკავშირებითაც გვექნება დისკუსია და მსჯელობა. შესაბამისად, ჩვენ არ გვაქვს იმის განცდა, რომ იქნება რადიკალურად განსხვავებული პოზიციები, რა თქმა უნდა შესაძლებელია გუნდში იყოს გარკვეულ საკითხებზე აზრთა სხვადასხვაობა, თუმცა იმისთვის ვართ შეკრებილები, რომ პოზიციები გავუზიაროთ ერთმანეთს, მოვისმინოთ არგუმენტები. ჩვენ იმისთვის არ შევკრებილვართ, რომ გვაქვს განსხვავებული პოზიციები, ჩვენ შევიკრიბეთ იმისთვის, რომ კიდევ ერთხელ დეტალურად გავიაროთ საარჩევნო კოდექსში დაგეგმილი ცვლილებები და სხვა პარტიული საკითხები“, - განაცხადა ოხანაშვილმა.