მამუკა მდინარაძე - გიორგი გახარია ღირსეული ადამიანია, რომელმაც ბევრჯერ ჩააბარა გამოცდა ქართული საზოგადოების წინაშე

საპარლამენტო უმრავლესობის ლიდერის მამუკა მდინარაძის განცხადებით, პრემიერ-მინისტრმა გიორგი გახარიამ ქართული საზოგადოების წინაშე გამოცდა ბევრჯერ ჩააბარა და საარჩევნო სიის სათავეში გახარიას კანდიდატურა მისთვის მისაღებია. აღნიშნულით მდინარაძემ ჟურნალისტის კითხვას უპასუხა და დასძინა, რომ პრემიერ-მინისტრი ბევრისთვის გასაკვირად, კარგი კრიზისმენეჯერი აღმოჩნდა.

„ნებისმიერ შემთხვევაში, მამუკა მდინარაძისთვის მისაღებია და მე ვფიქრობ, ეს ადამიანი ღირსეული ადამიანია, რომელმაც ბევრჯერ ჩააბარა გამოცდა ქართული საზოგადოების წინაშე, განსაკუთრებით ბოლო პერიოდში, როცა ის აღმოჩნდა ბევრისთვის შეიძლება გასაკვირადაც კი, იმდენად კარგი კრიზისმენეჯერი, რომ მათ შორის, მისი ხელმძღვანელობით ჩვენი ქვეყანა ამაყობს იმ მიღწევებით, რაზეც კოვიდ19-თან დაკავშირებით შეგვიძლია, ვისაუბროთ. ანუ აღმოჩნდა იმ მენეჯერული სისტემის სათავეში, რომელმაც მოახერხა ის, რაც ვერ მოახერხა ჩვენზე გაცილებით ძლიერმა ბევრმა ქვეყანამ“, - განაცხადა მდინარაძემ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ქართული პრესის მიმოხილვა 15.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება