მეტროსადგურ „გოცირიძის“ რეაბილიტაცია იგეგმება

თბილისის მერის კახა კალაძის განცხადებით, მეტროსადგურ „გოცირიძის“ რეაბილიტაცია იგეგმება. როგორც მან თბილისის მთავრობის დღევანდელ სხდომაზე განმარტა, მეტროსადგურ „გოცირიძის“ სრული რეაბილიტაცია-რეკონსტრუქციის ფარგლებში მოხდება შემდეგი სამუშაოების წარმოება - სრულად გადაიხურება მეტროსადგურის ბაქანი, მოხდება სადგურის ადაპტაცია შშმ პირთათვის, დამონტაჟდება ორი ლიფტი და მოეწყობა სპეციალური ბილიკები.

„მინდა ჩვენი სატრანსპორტო პოლიტიკის საკითხით დავიწყო, რომელიც ერთ-ერთი მნიშვნელოვანი პრიორიტეტია ჩვენი გუნდისთვის. ამ პოლიტიკაში შედის ძალიან საინტერესო მიმართულებები, ეს არის საზოგადოებრივი ტრანსპორტის განახლება-მოწესრიგება, რომელიც ჩვენ უკვე დაწყებული გვაქვს. საზოგადოება ხედავს, რომ დაწყებული გვაქვს არსებული ავტობუსების პარკის ჩანაცვლება-განახლება. პარალელურად, მიმდინარეობს ინფრასტრუქტურული პროექტები, სადაც ავტობუსებისთვის, საზოგადოებრივი ტრანსპორტისთვის შესაბამისი საავტობუსე ზოლების გამოყოფაა გათვალისწინებული, რომ გადაადგილება ყველაზე სწრაფად და კომფორტულად იყოს შესაძლებელი.

ასევე, მეტროში ვაწარმოებთ მთელ რიგ სარეაბილიტაციო სამუშაოებს, როგორც ინფრასტრუქტურული მიმართულებით, ასევე არსებული მეტროს ვაგონების გახალება-რეაბილიტაცია ხდება. გამოცხადებული გვაქვს საერთაშორისო ტენდერი ახალი ვაგონების შესყიდვასთან დაკავშირებით და უახლოეს მომავალში გვეცოდინება, თუ ვინ არის გამარჯვებული კომპანია. დღეს მინდა მოგაწოდოთ ინფორმაცია მეტროსადგურ „გოცირიძის“ რეაბილიტაცისთან დაკავშირებით. ჩვენ გამოცხადებული გვქონდა ტენდერი ამ პროექტის განხორციელებაზე, გვყავს გამარჯვებული კომპანია, ხელშეკრულება გაფორმებულია და მომდევნო დღეების განმავლობაში უშუალოდ დაიწყება სამუშაოები. მეტროსადგურ „გოცირიძის“ სრული რეაბილიტაცია-რეკონსტრუქციის ფარგლებში მოხდება შემდეგი სამუშაოების წარმოება- სრულად გადაიხურება მეტროსადგურის ბაქანი, მოხდება სადგურის ადაპტაცია შშმ პირთათვის, დამონტაჟდება ორი ლიფტი და მოეწყობა სპეციალური ბილიკები. რეაბილიტაცია ჩაუტარდება, როგორც სადგურის ვესტიბიულს, რომელიც მძიმე მდგომარეობაშია, ასევე ბაქანს. განახლდება და გარემონტდება თანამშრომლების მომსახურების ოთახები, თანამედროვე სტანდარტების შესაბისად სრულად გამოიცვლება სადგურის ელექტროსისტემა. ამ პროექტის ფარგლებში სრული რეაბილიტაცა ჩატარდება. ჩვენ ზოგადად, მეტროსადგურები მძიმე მდგომარეობაში გვაქვს, ერთ-ერთ მაგალითად, ვარკეთილი შემიძლია მოვიყვანო, სადაც რამდენიმე წლის წინ ჭერი ჩამოინგრა და ჯერ კიდევ მიმდინარეობს სამუშაოები, რადგან ძალიან დიდ სირთულეებთან არის საქმე ამ კონკრეტულ მეტროსადგურთან დაკავშირებით. ჩვენ გვინდა, მაქსიმალურად ვიყოთ დაზღვეულები, რომ ანალოგიური არ მოხდეს და სამუშაოები ძალიან მაღალ დონეზე იყოს შესრულებული. ასევე, პარალელურად მოგაწვდით ინფორმაციას სხვა სადგურების რეაბილიტაციასთან დაკავშირებით“,- განაცხადა კალაძემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო