თურქეთის აღმოსავლეთ ნაწილში მდებარე ვანის ტბაში ნავი ჩაიძირა, რომელზეც 60-მდე მიგრანტი იმყოფებოდა, - ამის შესახებ ინფორმაციას „როიტერსი“ თურქეთის შინაგან საქმეთა მინისტრ სულეიმან სოილუზე დაყრდნობით ავრცელებს.

სოილუს განცხადებით, ამ დროისთვის ნაპოვნია გემზე მყოფი 6 ადამიანის ცხედარი, სამძებრო-სამაშველო ოპერაცია გრძელდება.

შინაგან საქმეთა მინისტრის განცხადებით, შაბათს მომხდარ ინციდენტთან დაკავშირებით 11 პირია დაკავებული.

ცნობისათვის, ვანის ტბა ირანის საზღვართან ახლოს მდებარეობს, საიდანაც მიგრანტები რეგულარულად ცდილობენ თურქეთში გადასვლას, რათა შემდგომ ევროპაში მოხვდნენ.