უკრაინაში, გასული 24 საათის განმავლობაში, კორონავირუსის 664 ახალი შემთხვევა დადასტურდა და ინფიცირებულთა საერთო რაოდენობა 44 998 -მდე გაიზარდა, - ამის შესახებ ინფორმაციას უკრაინული მედია ქვეყნის ჯანდაცვის სამინისტორზე დაყრდნობით ავრცელებს.
მათივე ინფორმაციით, კოვიდ 19-ს კიდევ 14 ადამიანის სიცოცხლე შეეწირა და ფატალური შემთხვევების რიცხვი 1 173-მდე გაიზარდა. გამოჯანმრთელებული პაციენტების რაოდენობა კი 19 548-ია.
ცნობისათვის, გუშინ ქვეყნის პრეზიდენტმა ვლადიმერ ზელენკსიმ განაცხადა, რომ ქვეყანა ვირუსის მეორე ტალღისთვის უნდა მოემზადოს. „ასეთი დინამიკით, მეორე ტალღისთვის უნდა მოვემზადოთ. მე მაინც იმედი მაქვს, რომ ჩვენ შევძლებთ, ყველაზე უარესი სცენარის თავიდან აცილებას, მაგრამ ჯანდაცვის სისტემა მზად უნდა იყოს ყველაფრისთვის, ”- განაცხადა ზელენსკიმ.