შევეცდებით, რომ ბავშვებისთვის შევქმნათ მაქსიმალურად კომფორტული და უსაფრთხო გარემო, - ამის შესახებ საქართველოს ჯანდაცვის მინისტრმა ეკატერინე ტიკარაძემ ქობულეთში ბიზნესოპერატორებთან შეხვედრის შემდეგ მედიასთან განაცხადა. ამით მინისტრმა ეროვნულ გამოცდებთან დაკავშირებით დასმულ კითხვას უპასუხა.

მინისტრის თქმით, აღნიშნული საკითხი პირადად მისთვისაც ძალიან მნიშვნელოვანია.

ეკატერინე ტიკარაძის განცხადებით, კონკრეტული განცხადება თემაზე უახლოეს დღეებში გაკეთდება.

„ჩემი შვილიც აბიტურიენტია. აქედან გამომდინარე, არა მხოლოდ, როგორც მინისტრი, ამ საქმის უშუალო კურატორი, ვარ ჩართული ამ თემატიკაში. ჩვენ ვაწარმოებთ კონკრეტულ მოლაპარაკებებს განათლების სამინისტროსთან და რა თქმა უნდა, შევეცდებით, რომ შევქმნათ ბავშვებისთვის მაქსიმალურად კომფორტული, მაგრამ უსაფრთხო გარემო. ალბათ, უმოკლეს დღეებში, ეს იქნება ხვალ და ზეგ, გავაკეთებთ უკვე კონკრეტულ განაცხადს ამასთან დაკავშირებით“, - აღნიშნა ეკატერინე ტიკარაძემ.