გიორგი ვაშაძე - მთავრობის მეთაური თანამდებობის ხიბლში და თვითტკბობაშია, ქვეყანაში კი უმუშევრობა და სიღარიბე დღითიდღე იზრდება

მრჩება შთაბეჭდილება, რომ პრემიერ-მინისტრი და მთავრობა მიზანმიმართულად აჭიანურებს საზღვრების გახსნასა და ეპიდ უსაფრთხოების წესებიდან გამომდინარე საზღვრებზე სათანადო კონტროლის სისტემის დანერგვას, - ამის შესახებ „ახალი საქართველოს“ ლიდერმა გიორგი ვაშაძემ განაცხადა.

მისი თქმით, არსებობს მექანიზმები, რომლებიც საზღვრების გახსნის შემთხვევაში, მინიმუმამდე ამცირებს ვირუსის იმპორტირების რისკებს.

„კიდევ ერთხელ ვიმეორებ, არსებობს აპრობირებული მექანიზმები, რომლებიც მინიმუმადე ამცირებენ სხვა ქვეყნებიდან ვირუსის იმპორტირების რისკებს. ამის შესახებ, დაახლოებით ორი თვის წინ ვსაუბრობდით და საზღვრების გახსნის თაობაზე შესაბამისი ვადები და რეკომენდაციები გავუგზავნეთ მთავრობას. დავკარგეთ უამრავი დრო, ასევე ეკონომიკური შესაძლებლობები და ნაცვლად ხელისუფლების მხრიდან საუბრისა და ცარიელი განცხადებებისა, უმჯობესია პრემიერმა და მთავრობამ დრო ქვეყნის ცხოვრების ჩვეულ რიტმში დაბრუნებასა და ეკონომიკის რეალურ ამუშავებაზე დახარჯოს. ჩვენ, უკვე მივეჩვიეთ იმას, რომ პრემიერ-მინისტრი გიორგი გახარია აკეთებს ფრთიან, ერთი შეხედვით საქმიან განცხადებებს, მაგრამ როგორც წესი განცხადებები, სამთავრობო კაბინეტს ვერ სცდება და როგორც წესი, ხელშესახები პოზიტიური შედეგი ამ დრომდე არ მიგვიღია, მთავრობის მეთაური თანამდებობის ხიბლში და თვითტკბობაშია, ქვეყანაში კი უმუშევრობა და სიღარიბე დღითიდღე იზრდება" - განაცხადა გიორგი ვაშაძემ.

აღნიშნულ კომენტარს „ახალი საქართველოს“ პრესსამსახური ავრცელებს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში