გიგი წერეთელი სომხეთის პარლამენტის წევრებს ონლაინ ფორმატში ესაუბრა

ეუთო-ს საპარლამენტო ასამბლეის პრეზიდენტი, ფრაქცია „ევროპული საქართველო-მოძრაობა თავისუფლებისთვის“ თავმჯომარე გიგი წერეთელი ონლაინ ფორმატში ეუთო-ში სომხეთის დელეგაციის ხელმძღვანელს, ჰაიკ კონჯორიანს ესაუბრა.

როგორც „ინტერპრესნიუსს“ საქართველოს პარლამენტიდან აცნობეს, საუბრის თემა შეეხებოდა ეუთოსა და სომხეთს შორის თანამშრომლობის პრიორიტეტებს. ასევე, სომხეთში არსებულ ვითარებას კოვიდ პანდემიასთან დაკავშირებით და იმ სამუშაოს, რომელსაც სომხეთის ხელისუფლება ახორციელებს ეპიდემიის ჯანდაცვითი და ეკონომიკური შედეგების აღმოსაფხვრელად.

მათივე ცნობით, სომხეთის პარლამენტის წარმომადგენელმა აღნიშნა, რომ სომხეთში კვლავ მაღალია შემთხვევების რაოდენობა, დღეში რამდენიმე ასეულს აღწევს და ექსპერტების განმარტებით, ეს ციფრები ახლოსაა პიკურ მაჩვენებელთან. შეხვედრის მონაწილეებმა ისაუბრეს ასევე იმ სავარაუდო მიზეზებზე, რამაც გამოიწვია სომხეთში ეპიდემიოლოგიური სიტუაციის გამწვავება.

„დეპუტატმა აღნიშნა, რომ ხორციელდება ყველა ღონისძიება არსებული შესაძლებლობებით და პარალელურად შემუშავებულია რამდენიმე ათეული პროგრამა მოსახლეობის ეკონომიკური და სოციალური მდგომარეობის შესამსუბუქებლად. გიგი წერეთელმა ხაზი გაუსვა ამ მძიმე პერიოდში მხარდაჭერისა და დახმარების მნიშვნელობას, განსაკუთრებით რეგიონული ფორმატით. მან აღნიშნა, რომ ეუთო-ს საპარლამენტო ასამბლეა აქტიურად ფუნქციონირებს პანდემიის პერიოდში. ჩატარდა ათეულობით დისტანციური კონფერენცია და შეხვედრა ეუთო-ს თემატიკის გათვალისწინებით და რეგიონალური დიალოგის სერია ეუთო-ს წევრი ქვეყნების ხელისუფლების წარმომადგენლებთან და საპარლამენტო ლიდერებთან, მათ შორის, შედგა სატელეფონო საუბარი სომხეთის პარლამეტის სპიკერთან არარატ მირზოიანთან.

საუბრის ერთერთი მნიშვნელოვანი საკითხი იყო სამხრეთ კავკასიაში არსებული კონფლიქტების მოგვარება და პოსტ-პანდემიურ პერიოდში ამ მიმართულებით მუშაობის გააქტიურება. სომხეთის დელეგაციის ხელმძღვანელმა განსაკუთრებული მადლიერება გამოხატა საქართველოს მისამართით მხარდაჭერისა და გაწეული ქმედითი დახმარებისათვის.

დისკუსიაში მონაწილეობდა ეუთო-ს საპარლამენტო ასამბლეის გენერალური მდივანი რობერტო მონტელა, ეუთო-ს კოპენჰაგენისა და ვენის ოფისის წარმომადგენლები“, - აღნიშნულია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს