რომან გოცირიძე - ამაზე ნათლად რა უნდა დაწერონ ელჩებმა? გვეუბნებიან, რომ არ ვარგა საარჩევნო კოდექსი

ამაზე ნათლად რა უნდა დაწერონ ელჩებმა? გვეუბნებიან, რომ არ ვარგა ეს კანონი,- ასე ეხმიანება ფრაქცია "ნაციონალური მოძრაობის" თავმჯდომარე რომან გოცირიძე ჟურნალისტებთან, საარჩევნო კოდექსში შეტანილი ცვლილებების საკითხზე ევროკავშირის ელჩისა და აშშ-ის საელჩოს განცხადებებს.

მისი თქმით, საარჩევნო კოდექსი საარჩევნო გარემოს ვერ აუმჯობესებს და რიგ საკითხებში არის გაუარესებაც.

"საარჩევნო კანონში ცვლილებემა ვერ გადაჭრა ვერც ერთი ის პრობლემა, რაც ახასიათებს არჩევნებს და რითაც ხდება არჩევნების გაყალბება. კვლავ შენარჩუნებულია მოტყუების, დაშინების, მოსყიდვის, ადმინისტრაციული რესურსების გამოყენების მექანიზმები და სწორედ ამ საკითხზე გაამახვილეს ყურადღება როგორც ევროკავშირის, ასევე აშშ- ის ელჩებმა. არც ერთი ეს საკითხი არ არის მოგვარებული. პირიქით, ზოგიერთი მიმართულებით გვაქვს გაუარესება. მაგალითად, პოლიტიკური პარტიების დაფინანსების საკითხში ითვალისწინებენ მხოლოდ საპარლამენტო არჩევნების შედეგებს და საერთოდ დაივიწყეს ადგილობრივი თვითმმართველობა და ადგილობრივი არჩევნები გახადეს მეორე ხარისხოვანი, ისევე როგორც მაუწყებლებთან დაკავშირებული ცვლილებებითზ წინ გადადგმული ნაბიჯის ნაცვლად, მივიღეთ გაუარესებული საარჩევნო კანონი.

ელჩების ენა უნდა წავიკითხოთ არაელჩების ენით - გვეუბნებიან, რომ კვლავ აგრძელებთ დაშინებას, მოსყიდვას, სუს-ისა და სხვა ადმინისტრაციული რესურსის გამოყენებას. ამაზე ნათლად რა უნდა დაწერონ ელჩებმა ? გვეუბნებიან, რომ არ ვარგა ეს კანონი,"- განაცხადა გოცირიძემ.

ცნობისათვის, საქართველოში ევროკავშირის ელჩის, კარლ ჰარცელის განცხადებით, სასურველი იქნებოდა უფრო ამბიციური რეფორმების განხორციელება ეუთო/ოდირის მიერ რეკომენდებულ საკვანძო სფეროებში, როგორიცაა: ამომრჩეველზე ზეწოლა, დავების განხილვა და კომისიების დაკომპლექტება. ხარვეზებზე მიუთეთებს აშშ- ის საელჩოს მიეე გავრცელებული განცხადებაც, სადაც აღნიშნულია, რომ "დამატებითი ზომების შემოღება ამომრჩევლის შესაძლო დაშინების წინააღმდეგ, საარჩევნო კომისიის წევრების არჩევის გამჭვირვალობის უზრუნველყოფა, დავის გადაჭრის პროცესის განმტკიცება და COVID-19-თან დაკავშირებული შეზღუდვების გამო ალტერნატიული კამპანიის მეთოდების შესაძლებლობის უზრუნველყოფა ხელს შეუწყობდა საზოგადოებრივი ნდობის გაზრდას საარჩევნო პროცესებისადმი ამ შემოდგომაზე".

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა