საკონსტიტუციო სასამართლო ძალიან მარტივად დაადგენდა, რომ "ნაცმოძრაობა" არის კრიმინალური ოპოზიციური ძალა, რომელსაც აქვს ანტიკონსტიტუციური პოლიტიკური მიზნები. ჩვენ ვიფიქრებთ ასეთ სარჩელზე,- ამის შესახებ პარლამენტის ყოფილმა თავმჯდომარე ირაკლი კობახიძემ ჟურნალისტებთან ფრაქცია " ნაციონალური მოძრაობის" თავმჯდომარის რომან გოცირიძის დღევანდელი განცხადების კომენტირებისას აღნიშნა.
მისივე თქმით, ისინი არიან " ჭაკუების და რურუების რეჟიმის წარმომადგენლები, შესაბამისად - კრიმინალები."
"პასუხი არის მარტივი. კრიმინალებს ვუწოდებთ იმიტომ, რომ არიან კრიმინალები. რაც შეეხება სასამართლოსადმი მათ მიმართვას, ბუნებრივა, ასეთი მიმართვა არის განწირული. ჩვენ შეგვეძლო მიგვემართა საკონსტიტუციო სასამართლოსთვის, ეს შეიძლება არ იყოს ცუდი იდეა და საკონსტიტუციო სასამართლო ძალიან მარტივად დაადგენდა, რომ "ნაცმოძრაობა" არის კრიმინალური ოპოზიციური ძალა, რომელსაც აქვს ანტიკონსტიტუციური პოლიტიკური მიზნები. ჩვენ ვიფიქრებთ ასეთ სარჩელზე. საარჩევნო გარემოს აზიანებს ის, რომ "ნაციონალური მოძრაობა" ანუ ჭაკუას პარტია კვლავაც არის ამ პოლიტიკური სისტემის შემადგენელი ნაწილი. ეს რა თქმა უნდა, აზიანებს საარჩევნო გარემოს, თუმცა, ამის მიუხედავად ჩვენი მოტივაცია არის ის, რომ საზოგადოებას ვესაუბროთ არა ოპოზიციაზე, არამედ იმაზე, თუ რას ვთავაზობთ მომდევნო 4 წლის განმავლობაში და ამაზე იქნება არსებითად ჩვენი საარჩევნო კამპანია აგებული. ისინი არიან ჭაკუები, ჭაკუების, რურუების რეჟიმის წარმომადგენლები. შესაბამისად, ისინი არიან კრიმინალები,"- განაცხადა კობახიძემ.
ცნობისათვის, რომან გოცირიძემ დღეს "ქართული ოცნების" ლიდერები მათ მიმართ სიძულვილის ენის გამოყენებაში დაადანაშაულა და არ გამორიცხა, რომ ამ საკითხზე სასამართლოს მიმართონ.