პარლამენტის ყოფილი თავმჯდომარის, ირაკლი კობახიძის განცხადებით, საარჩევნო კოდექსით 25 - მეტრიან რადიუსში ამომრჩევლის შეფერხებაზე სანქცია გათვალისწინებული არ არის. როგორც მან ჟურნალისტებთან განაცხადა, მსგავსი ქმედების თავიდან აცილებას სამართალდამცავი ორგანოები უზრუნველყოფენ.
„25 - მეტრიან რადიუსში ამომრჩველის ფიზიკური შეფერხება არის აკრძალული, შესაბამისად, თუ სამართალდამცავი ორგანო დაინახავს, რომ ეს ნორმა ირღვევა, მოხდება ჩარევა და მოხდება ასეთი ქმედების თავიდან არიდება. ეს არის პასუხი, რომელიც იქნება ასეთი ტიპის კანონდარღვევის შემთხვევაში. სანქცია ამაზე დაწესებული არ არის,"- განაცხადა კობახიძემ.
შეგახსენებთ, საარჩევნო კოდექსით, რომელიც პარლამენტმა გუშინ დაამტკიცა, საარჩევნო უბანთან, 25 - მეტრიან რადიუსში ამომრჩევლის შეფერხება აკრძალულია.