რომან გოცირიძე აცხადებს, რომ ნორმა, რომლის მიხედვითაც ცესკო იღებს გადაწყვეტილებას საკარანტინო სივრცეებსა და სამედიცინო დაწესებულებებში არჩევნების ჩატარების მიზანშეწონილობაზე, საკონსტიტუციო სასამართლოში უნდა გასაჩივრდეს

ფრაქცია "ნაციონალური მოძრაობის" თავმჯდომარე რომან გოცირიძე აცხადებს, რომ "საარჩევნო კოდექსში" არაკონსტიტუციური ცვლილება შევიდა.

როგორც "ინტერპრესნიუსს" გოცირიძემ განუცხადა, კოდექსის 199-ე მუხლი, რომლის თანახმად, ცესკო იღებს გადაწყვეტილებას საკარანტინო სივრცეებსა და სამედიცინო დაწესებულებებში არჩევნების ჩატარების მიზანშეწონილობაზე, საკონსტიტუციო სასამართლოში უნდა გასაჩივრდეს.

კითხვაზე, აჩენს თუ არა ეს ჩანაწერი, შესაძლებლობას, რომ ცესკო-მ გარკვეულ ადგილებში არჩევნების ჩატარება მიზანშეწონილად არ ჩათვალოს, გოცირიძე პასუხობს, რომ ეს ჩანაწერი მოქალაქეებს ხმის მიცემის უფლებას უზღუდავს.

"ეს არის კიდევ ერთი მცდელობა, ხელისუფლებამ თავის სასარგებლოდ გამოიყენოს პანდემიით წარმოქმნილი ვითარება. ეს ჩანაწერი ანტიკონსტიტუციურია და უნდა გასაჩივრდეს. ეს არის მოქალაქის კონსტიტუციური უფლების შეზღუდვა. შანსს არ უშვებენ ხელიდან, რომ მანიპულაციების შესაძლებლობა არ გამოიყენონ. უამრავი მსგავსი რამაა ამ კანონში. ბევრი რამ გაუარესდა, ძველ კანონთან შედარებით: პარტიების დაფინანსებიდან ამოვარდა ადგილობრივი არჩევნების შედეგები; იზრდება ჩარევა მაუწყებლების საქმიანობაში, მათ შორის ფასების კონტროლი. კვლავ რჩება მოსყიდვის, დაშინების, შავი ფულის გამოყენების, ადმინისტრაციული ორგანოებიდან ზეწოლის შესაძლებლობები,"- განაცხადა გოცირიძემ.

"საარჩევნო კოდექსში" შეტანილი ცვლილების თანახმად, ჯანდაცვის სამინისტრო ვალდებულია ცესკოს მიაწოდოს ინფორმაცია კარანტინში მყოფ და კლინიკებში მოთავსებულ კოვიდ19-ით ინფიცირებული ადამიანების რაოდენობასა და მათი ადგილსამყოფელის შესახებ. მიღებული ინფორმაციის საფუძველზე, ცესკო იღებს გადაწყვეტილებას ზემოაღნიშნულ განთავსების ადგილებში კენჭისყრის ჩატარების მიზანშეწონილობის შესახებ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა