კახა კუკავა -„თავისუფალი საქართველო“ გამორიცხავს კოალიციური ფორმით თანამშრომლობას, როგორც „ოცნებასთან“ , ისე „ნაცმოძრაობასთან“

„თავისუფალი საქართველო“ გამორიცხავს კოალიციური ფორმით თანამშრომლობას, როგორც „ქართულ ოცნებასთან“, ისე „ნაციონალურ მოძრაობასთან“, - ამის შესახებ „თავისუფალი საქართველოს“ თავმჯდომარემ კახა კუკავამ პარტიის საარჩევნო პროგრამის პრეზენტაციისას განაცხადა და საზოგადოებას საარჩევნო პროგრამის ძირითადი დებულებები გააცნო.

როგორც „ინტერპრესნიუსს“ „თავისუფალი საქართველოდან“ აცნობეს, პარტიის საარჩევო პროგრამის პრეზენტაცია ილიას ბაღში გამართა. ღონისძიებას ესწრებოდა პარტიის თბილისის ორგანიზაციის აქტივი, ასევე ეროვნული მოძრაობის ვეტერანები, პარტიის მხარდამჭერები მოწვეული სტუმრები. ღონისძიებაზე შეკრებილებს სიტყვით მიმართეს პარტიის ლიდერმა კახა კუკავამ, თბილისის ორგანიზაციის ხელმძღვანელმა, გიორგი ბეგიშვილმა, აგრეთვე, ეროვნული მოძრაობის ვეტერანების სახელით ეთერ მგალობლიშვილმა.

„თავისუფალი საქართველო“ გამორიცხავს კოალიციური ფორმით თანამშრომლობას, როგორც „ქართულ ოცნებასთან“ ისე „ნაციონალურ მოძრაობასთან“, რადგან, ეს ძალები რეალურად სათავეს იღებენ ერთი პარტიის - შევარდნაძის „მოქალაქეთა კავშირისგან“ და მათ შორის, დაპირისპირების მიზეზიც, არა სახელმწიფოებრივი იდეალები, არამედ ვიწრო პარტიული და კორუფციული ინტერესებია. „თავისუფალი საქართველო“ ქართულ პოლიტიკურ სპექტრში არის ერთადერთი ძალა, რომელიც არასდროს ყოფილა არც შევარდნაძის, არც სააკაშვილის და არც ივანიშვილის გუნდის დანამატი, არამედ პარტია წარმოადგენს ეროვნული მოძრაობის ხაზს ქართულ პოლიტიკაში“, - განაცხადა კახა კუკავამ .

მისივე შეფასებით, 2020 წლის არჩევნები არის რეალური შანსი, რომ 28-წლიანი წყვეტის შემდეგ, ეროვნული მოძრაობა დაბრუნდეს ქვეყნის უმაღლეს საკანონმდებლო ორგანოში. კახა კუკავამ განსაკუთრებულად გაუსვა ხაზი პარტიის სოციალურ პროგრამებს.

„თავისუფალი საქართველო“ უკვე ახოციელებს იაფი მედიკამენტების პროგრამას, რომლის დახმარებითაც, მოქალაქეებს შეუძლიათ მაღალი ხარისხის პრეპარატები თურქული აფთიაქების ფასში იყიდონ, რაც ქართულ მონოპოლიურ ფარმაცევტულ ბაზართან შედარებით 3-4-ჯერ იაფია. პარტია არჩევნებამდე გეგმავს აამოქმედოს იაფი საწვავის პროგრამაც“, - ნათქვამია პარტიის გავრცელებულ ინფორმაციაში.

„თავისუფალი საქართველოს“ ლიდერმა ისაუბრა ეროვნული თვითმყოფადობის შენარჩუნების და კონსერვატიული ფასეულობების გაძლიერების საკითხზე. მისი თქმით, „თავისუფალი საქართველო“, განსხვავებით არსებული ლიბერალური სპექტრისგან, პარლამენტში იქნება ის ძალა, რომელიც ეროვნული და ტრადიციული ღირებულებების განმტკიცებას და გაძლიერებას შეუწყობს ხელს. ღონისძიების დასასრულს, „თავისუფალი საქართველოს“ წევრებს პარტიის განახლებული მანდატები გადაეცათ.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა