რომან გოცირიძე - მემორანდუმის გაფორმება სისულელეა, რას უნდა მოვაწეროთ ხელი - 25 მეტრში ამომრჩეველზე ძალადობა არ უნდა მოხდეს და 26 მეტრიდან შეიძლება?

მემორანდუმის გაფორმება სისულელე და მორიგი არასერიოზული განცხადებაა, - ამის შესახებ ფრაქცია „ნაციონალური მოძრაობის" თავმჯდომარე რომან გოცირიძემ პარლამენტის ყოფილი თავმჯდომარის, ირაკლი კობახიძის ინიციატივის კომენტირებისას განაცხადა.

როგორც მან აღნიშნა, მსგავსი განცხადებებით „ქართული ოცნების" ლიდერები „დასაცინი ხდებიან."

„კოდექსში კვლავ დარჩა მოსყიდვის, ძალადობის, ადმინისტრაციული რესურსის გამოყენების შესაძლებლობები, „შავი ფული“. რაც შეეხება ე.წ. 25 - მეტრიან რადიუსს, ეს არის ცინიკური ჩანაწერი, სადაც არის ნორმა, რომ 25 - მეტრიან რადიუსში ფიზიკურად არ შეიძლება შეეხოს ვიღაც ამომრჩეველს, მაშინ 80 მეტრის მანძილზე შეუძლია ამომრჩეველი გააჩეროს კრიმინალმა ან კოორდინატორმა? უაზრო ჩანაწერია. მემორანდუმის გაფორმება სისულელე და მორიგი არასერიოზული განცხადებაა. რას უნდა მოვაწეროთ ხელი - 25 მეტრში ამომრჩეველზე ძალადობა არ უნდა მოხდეს და 26 მეტრიდან შეიძლება? ეს ხომ სისულელეა. ასეთი არასერიოზული განცხადებებით რატომ გამოდიან, მიკვირს. კიდევ ერთხელ დასაცინი ხდებიან,"- განაცხადა გოცირიძემ.

შეგახსენებთ, ირაკლი კობახიძის განცხადებით, იმისათვის, რომ არჩევნების დღეს საარჩევნო უბნებზე არ იყოს სპეკულაციების საშუალება, მმართველი პარტია ოპოზიციას სთავაზობს გაფორმდეს მემორანდუმი, რომლის საფუძველზეც პოლიტიკური პარტიები აიღებენ რადიუსის დაცვის ვალდებულებას და საარჩევნო უბნებთან აქტივისტები არ ეყოლებათ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში