გიორგი ხანიშვილმა აგრარულ საკითხთა კომიტეტზე ა(ა)იპ სოფლისა და სოფლის მეურნეობის განვითარების სააგენტოს მიერ გაწეული საქმიანობის შესახებ ინფორმაცია წარადგინა

აგრარულ საკითხთა კომიტეტის სხდომაზე, გარემოს დაცვისა და სოფლის მეურნეობის სამინისტროს ა(ა)იპ სოფლისა და სოფლის მეურნეობის განვითარების სააგენტოს მიერ გაწეული საქმიანობის შესახებ ინფორმაცია მინისტრის პირველმა მოადგილემ, გიორგი ხანიშვილმა წარადგინა. აღნიშნულის შესახებ „ინტეპრესნიუსს" გარემოს დაცვისა და სოფლის მეურნეობის სამინისტროდან აცნობეს.

სხდომას კომიტეტის თავმჯდომარე ოთარ დანელია უძღვებოდა.

„სოფლისა და სოფლის მეურნეობის განვითარების სააგენტო პროექტების განვითარების სააგენტოს, კოოპერატივების განვითარების სააგენტოს და ექსტენციის სამსახურების ბაზაზე შეიქმნა და, შესაბამისად, ძირითად მიმართულებებს აერთიანებს. უკვე დაიწყო სააგენტოს სერტიფიცირების პროცესი ევროპულ სტრუქტურებში, რაც საშუალებას მოგვცემს გვქონდეს წვდომა დარგის მიმართულებით მსოფლიოს სხვადასხვა ქვეყანაში არსებულ მხარდამჭერ პროექტებზე და საგრანტო კონკურსებშიც ჩავერთოთ“, - აღნიშნა გიორგი ხანიშვილმა.

მინისტრის მოადგილემ ყურადღება გაამახვილა სოფლის მეურნეობის ანტიკრიზისული გეგმის ფარგლებში განხორციელებულ პროექტებზე და აღნიშნა, რომ სამინისტრომ შეძლო სოფლის მეურნეობისთვის ბევრი მიმართულებით შეექმნა დამატებითი საშეღავათო გარემო.

სხდომაზე საუბარი შეეხო კოოპერატივების გამსხვილების, სოფლის მეურნეობის პროდუქტის ექსპორტის ზრდის, სასათბურე მეურნეობების განვითარების, კომპლექსური პროექტების განხორციელების, მექანიზაციით უზრუნველყოფის საკითხებს.

„რეალობა ისაა, რომ კიდევ უფრო მეტად გვინდა სოფლის მეურნეობის დაფინანსება. თუმცა, თავისთავად ცხადია, ნამდვილად ძალიან დიდი შრომაა გაწეული. ვეცდებით, კიდევ უფრო ინტენსიური გავხადოთ საკომიტეტო მოსმენები, ვინაიდან დიდია ინტერესი და ეს დღევანდელმა სხდომამაც ცხადყო“, - განაცხადა აგრარულ საკითხთა კომიტეტის თავმჯდომარემ ოთარ დანელიამ სხდომის დასასრულს.

მან წარმატებები უსურვა სამინისტროს წარმომადგენლებს და აღნიშნა, რომ კომიტეტი, თავისი კომპეტენციის ფარგლებში, მაქსიმალურად დაუჭერს მხარს სამინისტროს ყველა ახალი პროექტის განხორციელებაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს