2 აბიტურიენტს, რომელიც მაღალი ტემპერატურის გამო გამოცდიდან მოიხსნა, „კოვიდ 19“ არ დაუდასტურდა, რის გამოც ისინი შესაძლოა, ეროვნულ გამოცდაზე წელსვე დაუშვან

ორ აბიტურიენტს, რომელიც გუშინ მაღალი ტემპერატურის გამო საგამოცდო სივრცეში არ შეუშვეს, PCR კვლევით კი კორონავირუსი არ დადასტურდა. ისინი შესაძლოა, ერთიან ეროვნულ გამოცდაზე მიმდინარე წელსვე დაუშვან.

როგორც შეფასებისა და გამოცდების ეროვნული ცენტრის ხელმძღვანელმა სოფო გორგოძემ ჟურნალისტებს განუცხადა, აბიტურიენტების გამოცდაზე დაშვების საკითხზე სამინისტროში მსჯელობენ.

„დღეს საგამოცდო პროცესმა მშვიდ ვითარებაში ჩაიარა. გამოცხადდა აბიტურიენტების 95%. გამოცდიდან არ მოხსნილა არავინ, არც დაგვიანების, არც ტელეფონის აღმოჩენის და არც მაღალი ტემპერატურის გამო. იყო რამდენიმე აბიტურიენტი, რომელთაც დაუფიქსირდათ ტემპერატურა, მაგრამ ისინი განთავსდნენ სარეზერვო სექტორებში და არ მოგვიწია მათი არდაშვების გადაწყვეტილების მიღება.

რაც შეეხება ორ აბიტურიენტს, რომლებიც არ დაიშვნენ გამოცდაზე, ჩაუტარდათ PSR ტესტირება, საბედნიეროდ მათ არ აღმოაჩნდათ „კოვიდ“ ინფექცია, ჩვენ სამინისტროსთან ერთად ყველაფერს გავაკეთებთ იმისთვის, რომ შევძლოთ და ეს აბიტურიენტები ჩავრთოთ საგამოცდო პროცესში. ვფიქრობ, რომ ისინი გამოცდებს არ გამოეთიშებიან,“ - განაცხადა გორგოძემ.

ამასთან, როგორც მან აღნიშნა, დღეს საგამოცდო პროცესს, ქუთაისსა და თბილისში, სასჯელაღსრულების დაწესებულებაში მყოფი 22 დარეგისტრირებული აბიტურიენტიდან 20 შემოუერთდა.

ცნობისთვის, 6 ივლისს ერთიანი ეროვნული გამოცდები დაიწყო.

იხილეთ ვიდეო: ორ აბიტურიენტს, რომელიც მაღალი ტემპერატურის გამო გამოცდიდან მოიხსნა, "კოვიდ 19" არ დაუდასტურდა - ისინი შესაძლოა, ეროვნულ გამოცდაზე წელსვე დაუშვან

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!