კახეთში სახელმწიფო რწმუნებულის, ირაკლი ქადაგიშვილის განცხადებით, წინანდალში მდებარე სასტუმრო „რედისონში“ გაჩენილი ხანძრის შედეგად არავინ დაშავებულა.

როგორც მან „ინტერპრესნიუსს“ განუცხადა, ამ დროისთვის ხანძარი ლოკალიზებულია.

„ხანძარი ლოკალიზებულია. დაშავებულები და მსხვერპლი არ არის“, - განაცხადა ქადაგიშვილმა.

ცნობისთვის, ხანძარი წინანდალში სასტუმრო "რედისონში" ღამის 12:00 საათისთვის გაჩნდა. ადგილზე საგანგებო სიტუაციების მართვის სამსახურის 6 სახანძრო-სამაშველო ბრიგადა მუშაობს. წინასწარი ინფორმაციით, ცეცხლი საუნიდან გავრცელდა.